Die skeibrief en die hertrou.

AS ’n man ’n vrou neem en met haar trou, en as sy dan geen guns in sy oë vind nie, omdat hy ¹iets skandeliks aan haar ontdek het, ²en hy haar ’n ^a3skeibrief skrywe en in haar hand gee en haar uit sy huis wegstuur,

en sy uit sy huis uittrek en weggaan en ’n ander man s’n word,

en dié laaste man haar haat en haar ’n skeibrief skrywe en in haar hand gee en haar uit sy huis wegstuur, of as dié laaste man sterwe wat haar vir hom as vrou geneem het —

dan mag haar eerste man wat haar weggestuur het, haar nie ⁴weer neem, dat sy sy vrou word ⁵nadat sy onrein geword het nie; want dit is ’n gruwel voor die aangesig van die HERE, en jy mag op ⁶die land wat die HERE jou God jou as erfenis sal gee, geen skuld laai nie.

As ’n man ^bpas getroud is, hoef hy nie ⁷op kommando uit te trek nie, en ⁸hulle moet hom in geen enkele opsig iets oplê nie; een jaar lank moet hy ⁹vry wees vir sy huis en aan sy vrou wat hy geneem het, vreugde verskaf.

Pande, menseroof en melaatsheid.

NIEMAND mag die ¹⁰handmeul of die ¹¹boonste maalklip as pand neem nie, want ¹²hy neem ¹³die lewe as pand.

As iemand betrap word wat ¹⁴’n persoon uit sy broers, uit die kinders van Israel, ^csteel en hom hard behandel en hom verkoop, dan moet dié dief sterwe. So moet jy dan die kwaad uit jou midde uitroei.

Neem jou in ag by die plaag van melaatsheid om baie noukeurig te handel volgens alles wat die Levitiese priesters julle sal leer; soos ^dek hulle beveel het, moet julle dit sorgvuldig hou.

Dink aan wat die HERE jou God op die pad, by julle uittog uit Egipte, aan ^eMirjam gedoen het.

As jy aan jou naaste ¹⁵enigiets leen, mag jy in sy huis nie ingaan om sy pand te gaan haal nie;

buite moet jy bly staan, en die man aan wie jy geleen het, moet die pand vir jou buitentoe uitbring.

En as hy ’n arm man is, moet jy met sy pand nie ¹⁶gaan slaap nie.

Jy moet hom ¹⁷sekerlik teen sonsondergang die pand ^fteruggee, dat hy in sy kleed kan slaap en jou kan ¹⁸seën; en ¹⁹dit sal geregtigheid vir jou wees voor die aangesig van die HERE jou God.

Jy mag ’n arm en behoeftige dagloner uit jou broers of uit jou vreemdelinge wat in jou land in jou ²⁰poorte is, nie ^g21verdruk nie.

²²Op die dag self moet jy sy loon gee, sodat die son oor hom ²³nie ondergaan nie — want hy is arm en ²⁴sy siel verlang daarna — dat hy nie teen jou tot die HERE roep en dit ²⁵sonde in jou word nie.

²⁶Die vaders mag nie ^hvir die kinders, en die kinders mag nie vir die vaders gedood word nie; elkeen moet vir sy eie sonde gedood word.

Barmhartigheid teenoor die weduwee, wese en vreemdelinge.

JY mag die reg van ⁱvreemdeling en ²⁷wees nie verdraai nie en die kleed van ’n weduwee nie as pand neem nie.

Maar jy moet daaraan dink dat jy ’n slaaf was in Egipte en die HERE jou God jou daaruit verlos het; daarom beveel ek jou om hierdie saak te doen.

As jy jou oes op jou land ^kinsamel en ’n gerf op die land vergeet, mag jy nie omdraai om dit te gaan haal nie; vir die vreemdeling, die wees en die weduwee moet dit wees, dat die HERE jou God jou kan seën in al die werk van jou hande.

As jy jou olywe afslaan, moet jy nie ²⁸agter jou in die takke rond soek nie; vir die vreemdeling, die wees en die weduwee moet dit wees.

As jy jou wingerd oes, moet jy agter jou nie skoon afoes nie; vir die vreemdeling, die wees en die weduwee moet dit wees.

En jy moet daaraan dink dat jy ’n slaaf was in Egipteland; daarom beveel ek jou om hierdie saak te doen.