DAARNA ^ahet ons weggedraai en op pad na Basan opgetrek; en Og, die koning van Basan, het uitgetrek ons tegemoet, hy en sy hele volk, om te veg by Edréï.

Toe het die HERE vir my gesê: Wees nie bevrees vir hom nie, want Ek gee hom en sy hele volk en sy land in jou hand; en jy moet met hom doen ^bsoos jy gedoen het met Sihon, die koning van die Amoriete, wat in Hesbon gewoon het.

En die HERE onse God het ook Og, die koning van Basan, en sy hele volk in ons hand gegee, sodat ons hom verslaan het, totdat daar van hom ¹niemand oor was wat vrygeraak het nie.

En ons het in dié tyd al sy stede ingeneem; daar was geen vesting wat ons van hulle nie afgeneem het nie: sestig stede, die hele ²landstreek Argob, die koninkryk van Og in Basan.

Al hierdie stede was versterk met hoë ³mure, poorte en grendels, behalwe ’n groot menigte ⁴onbemuurde stede.

En ons het hulle ⁵met die banvloek getref soos ons met Sihon, die koning van Hesbon, gedoen het deur elke stad, manne, vroue en kinders met die banvloek te tref.

Maar al die vee en die buit van die stede het ons vir ons geroof.

So het ons dan in dié tyd die land uit die hand van die twee konings van die Amoriete ⁶duskant die Jordaan geneem, van die ⁷Arnonrivier af tot by die berg ⁸Hermon —

die Sidoniërs noem ⁹Hermon ¹⁰Sirjon; maar die Amoriete noem dit ¹¹Senir —

al die stede van die gelykveld en die hele Gílead en die hele Basan tot by Salga en Edréï, stede van die koninkryk van Og in Basan.

Want Og, die koning van Basan, het ¹²net alleen oorgebly van die Refaïete. Is sy ledekant, ’n ysterledekant, nie daar in ¹³Rabba van die kinders van Ammon nie? Nege ¹⁴el is sy lengte en vier el sy breedte, gewone elle.

En hierdie land het ons in dié tyd ^cin besit geneem: van Ároër af, wat by die Arnonrivier lê, en die helfte van die gebergte van Gílead met die stede daarvan het ek aan die Rubeniete en die Gadiete gegee.

En die orige deel van Gílead saam met die hele Basan, die koninkryk van Og, het ek aan die halwe stam van Manasse gegee — die hele landstreek Argob. Daardie hele Basan word land van die Refaïete genoem.

¹⁵Jaïr, die seun van Manasse, het die hele landstreek Argob tot by die grens van die ¹⁶Gesuriete en die Maägatiete gekry en dit, naamlik Basan, na sy naam ¹⁷Jaïrsdorpe genoem ¹⁸tot vandag toe.

En aan ¹⁹Magir het ek ²⁰Gílead gegee.

Maar aan die Rubeniete en die Gadiete het ek van Gílead af tot by die Arnonrivier gegee, ²¹die middel van die rivier, saam met sy oewerland, en tot by die Jabbokrivier, die grens van die kinders van Ammon.

Daarby die Vlakte en die Jordaan, saam met sy grondgebied, van ²²Kinnéret af tot by die See van die Vlakte, die ²³Soutsee, onder aan ²⁴die hange van Pisga teen die ooste.

Verder het ek in dié tyd aan ^djulle ²⁵bevel gegee en gesê: Die HERE julle God het aan julle hierdie land gegee om dit in besit te neem; gewapend moet julle voor jul broers, die kinders van Israel, oortrek — al die dapper manne.

Net julle vroue en julle kinders en julle vee — ek weet dat julle baie vee het — kan in julle stede bly wat ek aan julle gegee het;

totdat die HERE aan julle broers soos aan julle rus gee, en hulle ook die land in besit neem wat die HERE julle God aan hulle oorkant die Jordaan sal gee; dan kan julle teruggaan elkeen na sy besitting wat ek aan julle gegee het.

Ook het ek Josua in dié tyd ^ebeveel en gesê: Jou oë het alles gesien wat die HERE julle God aan hierdie ²⁶twee konings gedoen het. So sal die HERE aan al die koninkryke doen waarheen jy oortrek.

Julle moet vir hulle nie bang wees nie, want dit is die HERE julle God wat vir julle stry.

Ook het ek die HERE in dié tyd gesmeek en gesê:

Here, ²⁷HERE! Ú het begin om ²⁸u kneg u ²⁹grootheid en ³⁰u sterke hand te laat sien; want ^fwatter God is daar in die hemel en op die aarde wat sulke werke en sulke magtige dade kan doen soos U?

Laat my tog oortrek en die mooi land sien wat oorkant die Jordaan lê, daardie ³¹goeie bergland ³²en die Líbanon!

^gMaar die HERE het toornig op my geword ³³om julle ontwil en my nie verhoor nie; maar die HERE het vir my gesê: ³⁴Dit is nou genoeg! ³⁵Moenie nog verder met My oor hierdie saak spreek nie.

Klim op die ³⁶top van Pisga en slaan jou oë op na die weste en na die noorde en na die suide en na die ooste, en bekyk ³⁷dit met jou oë; want jy mag oor hierdie Jordaan nie gaan nie.

³⁸Gee dan bevel aan Josua, en versterk hom en ³⁹bemoedig hom, want hý sal voor hierdie volk uit deurtrek, en hý sal hulle die land wat jy sal sien, laat erwe.

En ons het in die dal teenoor ⁴⁰Bet-Peor gebly.