Die lied wat Moses op bevel van God voorgedra het.

LUISTER, ¹o hemele, dat ek kan spreek, en ²laat die aarde hoor die woorde van my mond.

³Laat my leer drup soos die reën, my woord vloei soos die dou, soos reëndruppels op die grasspruitjies en soos ⁴reënbuie op die plante.

Want die Naam van die HERE ⁵roep ek uit: ⁶Gee grootheid aan onse God!

Die ⁷Rots — volkome is sy werk; want al ⁸sy weë is strafgerigte; ’n God van trou en sonder onreg; regverdig en reg is Hy.

⁹Hulle het verderflik teen ¹⁰Hom gehandel — die wat ¹¹sy seuns nie was nie, maar hulle skandvlek — ’n verkeerde en verdraaide geslag.

Durf julle dit die HERE vergelde, o dwase en onwyse volk? Is Hý nie jou Vader wat jou ¹²geskape het nie; het Hý jou nie gemaak en jou toeberei nie?

Dink aan die dae ¹³van die ou tyd, let op die jare, ¹⁴van geslag tot geslag; vra jou vader, dat hy jou dit bekend maak; die ou mense, dat hulle jou dit sê.

Toe die Allerhoogste aan die nasies ’n erfdeel gegee het, toe Hy ¹⁵die mensekinders van mekaar geskei het, het Hy die grense van die volke vasgestel ¹⁶volgens die getal van die kinders van Israel.

Want ¹⁷die HERE se deel is sy volk, ¹⁸Jakob is sy afgemete erfdeel.

Hy het hom gevind in ’n woestynland en ¹⁹in ’n woeste wêreld, vol gehuil van die wildernis; Hy het hom omring, ²⁰op hom ag gegee, hom bewaak soos ²¹sy oogappel.

Soos ’n arend ²²sy nes opwek, oor sy kleintjies sweef, sy vlerke uitsprei, ²³hulle opneem, hulle dra op sy vleuels —

die HERE alleen het ²⁴hom gelei, en daar was geen vreemde god by hom nie.

Hy het hom laat ry op die ²⁵hoogtes van die aarde, en hy het die opbrings van die veld geëet; en Hy het hom ²⁶heuning uit die rots laat suig en olie uit die ²⁷klipharde rots;

dikmelk van beeste en melk van kleinvee, met die vet van lammers en ramme; ²⁸stiere van Basan en bokke, met die ²⁹niervet van koring; en druiwebloed het jy gedrink, ³⁰skuimende wyn.

Toe het ³¹Jesúrun vet geword en ³²agterop geskop — jy het vet geword, dik geword, spekvet geword — en hy het God verwerp ³³wat hom gemaak het, en die steenrots van sy heil geminag.

Hulle het deur vreemde gode sy ³⁴ywer gewek; deur gruwels Hom geterg.

Hulle het aan die ³⁵duiwels geoffer, wat nie-God is, gode wat aan hulle nie bekend was nie; nuwes wat ³⁶kort gelede opgekom het, vir wie julle vaders nie gehuiwer het nie.

Die Steenrots wat jou ³⁷verwek het, het jy veronagsaam; en jy het die God vergeet wat jou voortgebring het.

Toe die HERE dit sien, het Hy hulle verwerp, uit ³⁸ergernis oor sy seuns en dogters.

En Hy het gesê: Ek wil my ³⁹aangesig vir hulle verberg, Ek wil sien wat hulle ⁴⁰einde sal wees; want ’n ⁴¹heeltemal verkeerde geslag is hulle, kinders in wie geen ⁴²trou is nie.

^aHulle het my ywer gewek ⁴³deur wat nie-God is, My geterg deur hulle nietige afgode. Ek sal dan hulle ywer wek deur die wat ’n ⁴⁴nie-volk is, deur ’n dwase nasie sal Ek hulle terg.

Want ^b’n ⁴⁵vuur is aangesteek in my toorn en het gebrand ⁴⁶tot in die doderyk daaronder, en dit het die aarde met sy opbrings verteer en die fondamente van die berge aan die brand gesteek.

Ek sal ⁴⁷onheile op hulle ophoop; my ⁴⁸pyle sal Ek op hulle wegskiet.

As hulle uitgeput is van honger en verteer deur ⁴⁹koorsgloed en dodelike siekte, sal Ek die tand van wilde diere teen hulle loslaat met die gif van ⁵⁰stofkruipers.

Buitekant sal die swaard ⁵¹beroof, en in die binnekamers die verskrikking; die jongman sowel as die jongedogter, die suigling saam met die ⁵²grysaard.

Ek sou gesê het: Ek wil hulle ⁵³wegblaas, hulle gedagtenis onder die mense uitroei —

as Ek nie vir die ⁵⁴terging van die vyand ⁵⁵bedug was nie, dat hulle teëstanders dit sou ⁵⁶misverstaan en sê: ⁵⁷Ons hand was hoog, en die HERE het dit alles nie gedoen nie.

Want ’n nasie van ⁵⁸verlore raadsplanne is ⁵⁹hulle, en daar is geen verstand in hulle nie.

⁶⁰Was hulle wys, hulle sou dit insien, hulle sou op hulle ⁶¹einde let.

Hoe kan ⁶²een dan ⁶³duisend agtervolg en twee tienduisend op die vlug jaag, was dit nie dat hul ⁶⁴Steenrots hulle verkoop en die HERE hulle ⁶⁵oorgelewer het nie!

Want ⁶⁶hulle ⁶⁷steenrots is nie soos ons ⁶⁸Steenrots nie — ja, ⁶⁹ons vyande self is skeidsregters!

Want hulle wingerdstok is ⁷⁰uit die wingerdstok van Sodom en uit die wingerde van Gomorra; hulle druiwe is ⁷¹giftige druiwe, bitter trosse dra hulle.

Hulle wyn is slanggif en wrede addergif.

⁷²Is dit nie by My opgegaar, in my skatkamers verseël nie?

^cMy kom die wraak toe en die vergelding, op die tyd as hulle voet sal wankel; want die dag van hulle ondergang is naby, en ⁷³wat oor hulle beskik is, kom gou.

Want die HERE sal aan sy volk reg verskaf, en Hy sal ⁷⁴medelyde hê met sy knegte as Hy sien dat hulle ⁷⁵vashouplek weg is en ⁷⁶dit met almal sonder uitsondering gedaan is.

Dan sal Hy sê: Waar is ⁷⁷hulle gode, die steenrots waarin hulle toevlug geneem het,

⁷⁸wat die vet van hulle slagoffers geëet het, die wyn van hulle drankoffer gedrink het? Laat hulle opstaan en julle help, dat daar oor julle ’n ⁷⁹beskerming kan wees!

Aanskou nou ⁸⁰dat dit Ek is en dat daar ^dgeen god naas My is nie; Ek ^emaak dood en maak lewend, Ek het ⁸¹verbrysel en Ek genees; en daar is niemand wat uit my hand red nie.

Want ⁸²Ek sal my hand na die hemel ophef en sê: ⁸³So waar as Ek ewig leef —

as Ek my ⁸⁴glinsterende swaard skerp gemaak het en my hand na die strafgerig gryp, sal Ek wraak oefen op my teëstanders en my haters vergelde.

Ek sal my ⁸⁵pyle dronk maak van bloed, en my swaard sal vlees eet: van die bloed van hom wat verslaan en ⁸⁶gevang is, ⁸⁷van die kop van die vyand se aanvoerders.

^f88Jubel, o nasies, oor ⁸⁹sy volk, want Hy sal die bloed van sy ⁹⁰knegte wreek, en Hy sal wraak oefen op sy teëstanders en ⁹¹versoening doen vir sy land en sy volk.

En Moses het gekom en al die woorde van hierdie lied voor die ore van die volk gespreek, hy en ⁹²Hoséa, die seun van Nun.

En toe Moses met al hierdie woorde die hele Israel klaar toegespreek het,

sê hy vir hulle: Gee ag op al die woorde waarmee ek julle vandag waarsku, dat julle dit jul kinders beveel om al die woorde van hierdie wet sorgvuldig te hou.

Want dit is geen ⁹³vergeefse woord vir julle nie, maar dit is julle lewe; en deur hierdie woord sal julle die dae verleng in die land waarheen julle deur die Jordaan trek om dit in besit te neem.

Daarna het die HERE op daardie selfde dag met Moses gespreek en gesê:

^gKlim op hierdie gebergte Abárim, die berg Nebo, wat in die land Moab is, wat ⁹⁴teenoor Jérigo lê, en aanskou die land Kanaän wat Ek aan die kinders van Israel as besitting sal gee;

en sterwe op die berg waarheen jy opklim, en word ⁹⁵versamel by jou volksgenote, soos jou ^hbroer Aäron gesterf het op die berg Hor en versamel is by sy volksgenote,

omdat julle onder die kinders van Israel ontrou ⁱteen My gehandel het by die twiswater van Kades, in die woestyn Sin, omdat julle My nie ⁹⁶geheilig het onder die kinders van Israel nie.

Want reg voor sal jy die land sien, maar jy sal daar nie inkom, in die land wat Ek aan die kinders van Israel sal gee nie.