Vermaning om die gebooie van God te onderhou.

LUISTER dan nou, Israel, na die ^ainsettinge en die verordeninge wat ek julle leer om te doen, sodat julle mag lewe en inkom en die land wat die HERE, die God van julle vaders, aan julle sal gee, in besit mag neem.

Julle mag by die woord wat ek julle beveel, ^bniks byvoeg nie, en julle mag daar niks van weglaat nie; sodat julle die gebooie van die HERE julle God mag onderhou, wat ek julle beveel.

Julle oë het gesien wat die HERE ¹weens ^cBaäl-Peor gedoen het; want al die manne wat agter Baäl-Peor aan geloop het, dié het die HERE jou God onder jou uit verdelg.

Julle daarenteen wat die HERE julle God aangehang het, is vandag nog almal in die lewe.

Kyk, ek het julle insettinge en verordeninge geleer soos die HERE my God my beveel het, om so te handel in die land waarheen julle gaan om dit in besit te neem.

Onderhou dit dan en doen dit; want ²dit is julle wysheid en julle verstand voor die oë van die volke wat al hierdie insettinge sal hoor en sê: ³Waarlik, hierdie groot nasie is ’n wyse en verstandige volk.

^dWant watter groot nasie het gode wat vir hulle so ⁴naby is soos die HERE onse God ⁵so dikwels as ons Hom aanroep?

En watter groot nasie is daar wat sulke regverdige insettinge en verordeninge het soos hierdie hele wet wat ek ⁶julle vandag voorhou?

Neem jou net in ag en wees ⁷terdeë op jou hoede, dat jy die dinge nie vergeet wat jou oë gesien het nie, en dat hulle uit jou hart nie wyk al die dae van jou lewe nie; en jy moet dit aan ^ejou kinders en jou kindskinders bekend maak:

die dag dat ⁸jy voor die aangesig van die HERE jou God by Horeb gestaan het, toe die HERE aan my gesê het: Vergader die volk vir My, en Ek sal hulle my woorde laat hoor, dat hulle kan leer om My te vrees al die dae wat hulle op die aarde lewe, en dit aan hulle kinders kan leer.

Toe het julle nader gekom en onder aan die berg gaan staan; en ^fdie berg het met vuur gebrand tot in die ⁹middel van die hemel, met duisternis, wolke en wolkedonkerheid.

En die HERE het met julle uit die vuur gespreek; julle het ’n stem van woorde gehoor, maar geen ¹⁰verskyning gesien nie — ¹¹net ’n stem was daar.

Toe het Hy aan julle sy verbond verkondig wat Hy julle beveel het om te doen, die tien ¹²woorde, en dit op twee kliptafels geskrywe.

Ook het die HERE my in dié tyd bevel gegee om julle die insettinge en verordeninge te leer, dat julle dit kan doen in die land waarheen julle oortrek om dit in besit te neem.

Neem julle dan terdeë in ag ¹³ter wille van julle siele — want julle het géén verskyning gesien op die dag dat die HERE by Horeb uit die vuur met julle gespreek het nie —

sodat ¹⁴julle nie verderflik handel deurdat julle vir julle ’n gesnede beeld, ’n gelykenis van ¹⁵enige afgodsbeeld, maak nie: ’n afbeelding van man of vrou,

’n afbeelding van enige dier wat op die aarde is, ’n afbeelding van enige gevleuelde voël wat in die lug vlieg,

’n afbeelding van enigiets wat op die aarde kruip, ’n afbeelding van enige vis wat in die water onder die aarde is;

dat jy ook jou oë nie na die hemel opslaan, en as jy die son sien en die maan en die sterre, die hele leër van die hemel, jou laat verlei en voor hulle neerbuig en hulle dien nie — ¹⁶dinge wat die HERE jou God aan al die volke onder die hele hemel uitgedeel het.

Maar die HERE het julle geneem en julle uit die ¹⁷ystersmeltoond, uit Egipte, uitgelei ¹⁸om sy ^gerfvolk te wees soos dit vandag is.

¹⁹Ook ^hwas die HERE toornig op my om julle ontwil, en Hy het gesweer dat ek oor die Jordaan nie sal gaan en nie sal kom in die goeie land wat die HERE jou God jou as erfenis sal gee nie.

Want ek sal in hierdie land sterwe, ek sal oor die Jordaan nie gaan nie; maar julle sal oorgaan en daardie goeie land in besit neem.

Neem julle in ag dat julle die verbond van die HERE julle God, wat Hy met julle ²⁰gesluit het, nie vergeet en vir julle geen ²¹gesnede beeld maak nie — ’n gelykenis van enigiets wat die HERE jou God jou ²²verbied het.

Want die HERE jou God is ’n ⁱverterende ²³vuur, ^k’n ²⁴jaloerse God.

As jy kinders en kindskinders sal verwek en julle in die land ²⁵verouderd sal wees en verderflik handel deurdat julle ’n gesnede beeld maak, ’n gelykenis van ²⁶enigiets, en doen wat ²⁷verkeerd is in die oë van die HERE jou God om Hom te terg,

dan neem ek vandag die ²⁸hemel en die aarde as getuies teen julle dat julle ²⁹sekerlik gou uit die land sal vergaan waarheen julle oor die Jordaan trek om dit in besit te neem; julle sal die dae daarin nie verleng nie, maar ³⁰sekerlik verdelg word.

En die HERE sal julle onder die volke ^lverstrooi, en ³¹’n klein klompie van julle sal onder die nasies oorbly waarheen die HERE julle sal drywe.

En daar sal julle gode dien, die werk ^mvan mensehande, hout en klip wat nie sien en nie hoor en nie eet en nie ruik nie.

Dan sal julle daarvandaan die HERE jou God soek en vind as jy Hom met jou ³²hele hart en jou hele siel soek.

As jy in die nood is en ³³al hierdie dinge aan die einde van die dae oor jou kom, ³⁴sal jy ³⁵na die HERE jou God terugkeer en na sy stem luister.

Want die HERE jou God is ’n barmhartige God; Hy sal jou nie verlaat en jou nie in die verderf stort nie; en Hy sal die verbond van ³⁶jou vaders wat Hy hulle besweer het, nie vergeet nie.

Want doen tog ondersoek na die vorige dae wat voor jou gewees het, van die dag af dat God mense op die aarde geskape het, en van die ³⁷een einde van die hemel tot by die ander einde van die hemel, of so iets groots gebeur het of iets dergeliks gehoor is.

Het ’n volk die stem van God uit die vuur hoor spreek, soos jý gehoor het, en in die lewe gebly?

Of het ’n god probeer om vir hom ’n nasie uit ’n ander nasie te gaan neem deur ³⁸versoekinge, deur tekens en wonders en deur ³⁹oorlog en deur ’n sterke hand en ’n uitgestrekte arm en deur groot ⁴⁰skrikwekkende dade soos die HERE julle God met julle voor jou oë in Egipte gedoen het?

Jy self het dit te sien gekry, dat jy kan weet dat die HERE ⁴¹God is; daar is geen ander ⁿbuiten Hom nie.

⁴²Uit die hemel het Hy jou sy stem laat hoor om jou te onderrig; en ⁴³op die aarde het Hy jou sy groot vuur laat sien, en jy het sy woorde uit die vuur gehoor.

En omdat Hy jou vaders liefgehad en ⁴⁴hulle nageslag na hulle uitverkies het, ^oen Hy ⁴⁵self jou deur sy grote krag uit Egipte uitgelei het,

om nasies groter en magtiger as jy voor jou uit te verdrywe en jou in te bring om hulle land aan jou as erfenis te gee soos dit vandag is —

daarom moet jy vandag weet en ⁴⁶ter harte neem dat die HERE God is, bo in die hemel en onder op die aarde; daar is geen ander nie.

En jy moet sy insettinge en sy gebooie hou wat ek jou vandag beveel, dat dit met jou en jou kinders ná jou goed mag gaan, en dat jy die dae mag verleng in die land wat die HERE jou God jou ⁴⁷vir altyd sal gee.

Vrystede oos van die Jordaan.

^pTOE het Moses ⁴⁸drie stede afgesonder oos van die Jordaan, teen sonop,

sodat hy wat ’n doodslag begaan het, daarheen kon vlug, wat sy naaste sonder opset doodgeslaan het, terwyl hy hom ⁴⁹van gister en eergister af nie vyandig was nie; sodat hy in een van hierdie stede kan vlug en in die lewe bly.

^q50Beser in die woestyn, in die landstreek van die gelykveld, ⁵¹vir die Rubeniete; en Ramot in Gílead vir die Gadiete; en Golan in Basan vir die Manassiete.

Herhaling van die Tien Gebooie.

EN dit is die wet wat Moses die kinders van Israel voorgehou het.

⁵²Dit is die ⁵³getuienisse en die insettinge en die verordeninge wat Moses meegedeel het aan die kinders van Israel by hulle uittog uit Egipte,

oos van die Jordaan, in die dal teenoor ⁵⁴Bet-Peor, in die land van Sihon, die koning van die Amoriete, wat in Hesbon gewoon het, wat deur Moses en die kinders van Israel ^rverslaan is by hulle uittog uit Egipte;

en hulle het sy land in besit geneem en die land van ^sOg, die koning van Basan, die twee konings van die Amoriete oos van die Jordaan, teen sonop;

van Ároër af, wat aan die ⁵⁵kant van die Arnonrivier lê, tot by die berg ⁵⁶Sion, dit is Hermon,

en die hele Vlakte oos van die Jordaan, teen sonop tot by die ⁵⁷See van die Vlakte, onderaan ⁵⁸die hange van Pisga.