Aankoms by Sinai.

IN¹ die derde ²maand ná die uittog van die kinders van Israel uit Egipteland, ³op dieselfde dag, het hulle in die woestyn ⁴Sinai gekom —

hulle het van Ráfidim af opgebreek en in die woestyn Sinai gekom en in die woestyn laer opgeslaan. En Israel het daar teenoor ⁵die berg laer opgeslaan.

^aMaar Moses het opgeklim ⁶na God toe, en die HERE het hom ⁷van die berg af toegeroep en gesê: So moet jy aan die huis van Jakob sê en aan die kinders van Israel verkondig:

^bJulle het self gesien wat Ek aan die Egiptenaars gedoen het, ⁸en dat Ek julle op arendsvlerke gedra en julle ⁹na My toe gebring het.

As julle dan nou ¹⁰terdeë na my stem luister en my verbond hou, ^csal julle my eiendom uit al die volke wees, want ^11ddie hele aarde is myne.

^eEn júlle sal vir My ¹²’n koninkryk van priesters en ’n ¹³heilige nasie wees. Dit is die woorde wat jy aan die kinders van Israel moet meedeel.

En Moses ¹⁴het gekom en die oudstes van die volk laat roep en hulle al hierdie ¹⁵woorde voorgehou wat die HERE hom beveel het.

Toe antwoord die hele volk eenparig en sê: ^fAlles wat die HERE gespreek het, sal ons doen. En Moses het die woorde van die volk aan die HERE oorgebring.

En die HERE het met Moses gespreek: Kyk, Ek sal ¹⁶in ’n dik wolk na jou toe kom, dat die volk kan hoor as Ek met jou spreek, en hulle ook ¹⁷vir altyd ¹⁸aan jóú kan glo. Want Moses het die woorde van die volk aan die HERE meegedeel.

Verder het die HERE aan Moses gesê: Gaan na die volk en ¹⁹heilig hulle vandag en môre, en laat hulle hul klere was

en hulle gereed hou teen die derde dag. Want ²⁰op die derde dag sal die HERE voor die oë van die hele volk op die berg Sinai ²¹afdaal.

Ook moet jy vir die volk ’n grens rondom aanwys en sê: ^gPas op dat julle nie op die berg klim of sy ²²voet aanraak nie. ²³Elkeen wat die berg aanraak, ²⁴moet sekerlik gedood word.

Geen hand mag hom aanraak nie; maar ²⁵hy ²⁶moet sekerlik gestenig of sekerlik met ’n pyl geskiet word; of dit ’n dier of ’n mens is — hy mag nie lewe nie. ²⁷As die ramshoring ²⁸lang geluide blaas, mag hulle ²⁹op die berg klim.

Toe het Moses van die berg af na die volk gegaan en ³⁰die volk geheilig, en hulle het hul klere gewas.

En hy het aan die volk gesê: Hou julle klaar teen die ³¹derde dag; ^hmoenie naby die vrou kom nie.

En op die derde dag toe dit môre word, ⁱwas daar donderslae en blitse en ’n swaar wolk op die berg ³²en die geluid van ’n baie sterk basuin, sodat die hele volk wat in die laer was, gebeef het.

Daarop het Moses die volk uit die laer gelei om God te ontmoet, ^ken hulle het gaan staan ³³by die voet van die berg.

^lEn die hele berg Sinai het gerook, omdat die HERE in ’n vuur daarop neergedaal het. En sy rook het opgetrek soos die rook van ’n oond, en die hele berg het vreeslik gebewe.

Toe die geluid van die basuin sterker en sterker word, het Moses gespreek, en God het hom telkens ³⁴hardop geantwoord.

Terwyl die HERE op die berg Sinai neerdaal, ³⁵op die top van die berg, het die HERE Moses na die top van die berg geroep, en Moses het opgeklim.

En die HERE het vir Moses gesê: Klim af, ³⁶waarsku die volk, dat hulle nie na die HERE toe ³⁷deurbreek om te sien en baie van hulle dan ³⁸val nie.

En ³⁹ook die priesters ⁴⁰wat naby die HERE kom, moet hulleself heilig, sodat die HERE nie teen hulle losbreek nie.

Toe het Moses die HERE geantwoord: Die volk kan nie op die berg Sinai klim nie, want U het ons self gewaarsku en gesê: Baken die berg af en ⁴¹heilig dit.

Daarop sê die HERE vir hom: ⁴²Gaan heen, klim af. Dan moet jy, en Aäron saam met jou, opklim; maar die priesters en die volk mag nie deurbreek om na die HERE toe op te klim nie, sodat Hy nie teen hulle losbreek nie.

En Moses het na die volk toe afgeklim en hulle ⁴³dit aangesê.