Die wyding van die priesters.

EN dit ^ais die saak wat jy vir hulle moet doen om hulle te heilig, dat hulle vir My die priesteramp kan bedien: Neem een jong bul en twee ramme wat ¹sonder gebrek is,

en ongesuurde brood en ongesuurde koeke met olie gemeng en ongesuurde platkoeke ²met olie bestryk. Van fyn koringmeel moet jy dit maak.

En sit dit in een mandjie, en ³bring dit aan in die mandjie saam met die bul en die twee ramme.

Dan moet jy Aäron en sy seuns laat nader kom na die ingang van die tent van samekoms en ⁴hulle met water was.

En neem ⁵die klere en beklee Aäron met die rok en die mantel van die skouerkleed en die skouerkleed self en die borstas, en bind hom die band van die skouerkleed om.

En sit die tulband op sy hoof, en bevestig ⁶die heilige kroon aan die tulband.

^bNeem dan ⁷die salfolie en giet dit ⁸op sy hoof en salf hom.

Ook sy seuns moet jy laat nader kom, en laat hulle die rokke aantrek,

en omgord hulle met die gordel, Aäron en sy seuns, en bind vir hulle musse om, dat hulle die priesteramp kan besit ⁹as ’n ewige insetting. So moet jy dan Aäron en sy seuns as priesters ¹⁰aanstel.

^cEn jy moet die bul aanbring voor die tent van samekoms; en Aäron en sy seuns moet ¹¹hulle hande op die kop van die bul lê.

En slag die bul ¹²voor die aangesig van die HERE ¹³by die ingang van die tent van samekoms.

Dan moet jy van die bloed van die bul neem en dit met jou vinger aan die horings van die altaar stryk; en al die orige bloed moet jy aan ¹⁴die onderkant van die altaar uitgiet.

En neem al die vet wat oor die binnegoed is, en die lap aan die lewer en die twee niere en die vet wat daaraan is, en steek dit op die altaar aan die brand.

^dMaar die vleis van die bul en sy vel en sy mis moet jy buitekant die laer met vuur verbrand. Dit is ’n sondoffer.

Neem dan die een ram, en Aäron en sy seuns moet hulle hande op die ram se kop lê;

daarna moet jy die ram slag en sy ^ebloed neem en dit rondom teen die altaar uitgooi.

En die ram ¹⁵moet jy in sy stukke verdeel, en was sy binnegoed en pote en sit dit by die orige stukke en by die kop.

Jy moet dan die hele ram op die altaar aan die brand steek. Dit is ’n brandoffer aan die HERE; ’n lieflike geur, ¹⁶’n vuuroffer is dit aan die HERE.

Dan moet jy die ander ram neem, en Aäron en sy seuns moet hulle hande op die ram se kop lê;

jy moet dan die ram slag en van sy bloed neem en dit stryk aan die regteroorlel van Aäron en aan die regteroorlel van sy seuns, ook aan die duim van hulle regterhand en aan die groottoon van hulle regtervoet. En die orige bloed moet jy rondom teen die altaar uitgooi.

Dan moet jy van die bloed wat aan die altaar is, neem en van ¹⁷die salfolie en dit sprinkel op Aäron en op sy klere sowel as op sy seuns en op die klere van sy seuns saam met hom, dat hy heilig kan wees en sy klere sowel as sy seuns en die klere van sy seuns saam met hom.

En neem van die ram die vet en die vetstert, ook die vet wat oor die binnegoed is, en ¹⁸die lap aan die lewer en die twee niere met die vet wat daaraan is, en die ¹⁹regterboud — want dit is ’n ²⁰wydingsram —

en een ronde brood en een ²¹oliebroodkoek en een platkoek uit die mandjie met ongesuurde koeke wat voor die aangesig van die HERE is.

En lê dit alles op die hande van Aäron en op die hande van sy seuns, ²²en beweeg dit as beweegoffer voor die aangesig van die HERE.

Neem dit dan uit hulle hand en steek dit op die altaar aan die brand, bo-op die brandoffer, as lieflike geur voor die aangesig van die HERE. Dit is ²³’n vuuroffer aan die HERE.

En neem die bors van die wydingsram ²⁴van Aäron en beweeg dit as beweegoffer voor die aangesig van die HERE; daarna moet dit ²⁵jou deel wees.

En jy moet ²⁶die bors van die beweegoffer heilig en die boud ²⁷van die hefoffer, wat beweeg en gehef is van die wydingsram, wat vir Aäron en sy seuns geld.

En ^fdit moet vir Aäron en sy seuns wees tot ’n ewige insetting ²⁸van die kant van die kinders van Israel, want dit is ’n hefoffer; en dit sal ’n hefoffer wees van die kant van die kinders van Israel, van hulle dankoffers — hulle hefoffer aan die HERE.

En die ²⁹heilige klere van Aäron moet vir ³⁰sy seuns ³¹ná hom wees, om hulle daarin te salf en ³²as priesters aan te stel.

Die een van sy seuns wat in sy plek ³³priester word, wat in die tent van samekoms sal ingaan om in die heiligdom te dien, moet dit ³⁴sewe dae lank aantrek.

En jy moet die wydingsram neem en sy vleis in ³⁵’n heilige plek kook.

^gDan moet Aäron en sy seuns die ram se vleis eet en die brood wat in die mandjie is, by die ingang van die tent van samekoms.

En hulle moet dié dinge eet waarmee versoening bewerk is toe hulle as priesters aangestel en geheilig is; ^hmaar ³⁶’n onbevoegde mag daarvan nie eet nie, want dit is ³⁷heilig.

En as daar van die vleis van die wydingsoffer of van die brood tot die môre toe oorbly, moet jy wat oor is, met vuur verbrand; ³⁸dit mag nie geëet word nie, want dit is heilig.

So moet jy dan met Aäron en sy seuns doen net soos Ek jou beveel het. Sewe dae lank moet hulle wyding duur.

Jy moet ook daagliks ’n sondofferbul tot versoening berei ³⁹en die altaar ontsondig deur daarvoor versoening te doen; en jy moet dit salf om dit te heilig.

Sewe dae lank moet jy versoening doen vir die altaar en dit ⁴⁰heilig. So sal dan die altaar ⁴¹hoogheilig word: ⁴²elkeen wat aan die altaar raak, ⁴³word heilig.

Die daaglikse brandoffers.

EN dit ⁱis wat jy op die altaar moet berei: twee jaaroud lammers gereeld elke dag.

Die een lam moet jy in die môre ⁴⁴berei, en die ander lam moet jy ⁴⁵teen die aand berei,

met ⁴⁶’n tiende van ’n efa fynmeel, gemeng met ’n kwart-⁴⁷hin ⁴⁸uitgestampte olie, en as drankoffer ’n kwart-hin wyn vir die een lam.

En die ander lam moet jy teen die aand berei. Jy moet dit klaarmaak volgens die môrespysoffer en volgens die drankoffer wat daarby behoort, tot ’n lieflike geur. Dit is ’n vuuroffer aan die HERE.

Dit moet ’n voortdurende brandoffer vir julle geslagte wees, ⁴⁹by die ingang van die tent van samekoms, voor die aangesig van die HERE, waar Ek met julle sal saamkom om daar met jou te spreek.

En daar sal Ek met die kinders van Israel saamkom en ⁵⁰die tent sal deur my heerlikheid geheilig word.

So sal Ek dan die tent van samekoms en die altaar ⁵¹heilig. Ek sal Aäron en sy seuns ook heilig om vir My die priesteramp te bedien.

En Ek ^ksal onder die kinders van Israel woon en vir hulle ’n God wees;

en hulle sal weet dat Ek die HERE hulle God is wat hulle uit Egipteland uitgelei het om in hulle midde te woon. Ek is die HERE hulle God.