Laaste woorde van Josua. Die volk beloof om die HERE te dien.

DAARNA het Josua al die stamme van Israel byeen laat kom in ¹Sigem, en hy het die oudstes van Israel en sy hoofde en sy regters en sy opsigters laat roep, en hulle het hul ²voor die aangesig van God gestel.

Toe sê Josua ³aan die hele volk: So sê die HERE, die God van Israel: ^aOorkant die ⁴Eufraat het julle vaders van oudsher gewoon — ^bTera, die vader van Abraham en die vader van Nahor, en hulle het ander gode gedien.

^cMaar Ek het julle vader Abraham van oorkant die Eufraat af geneem en hom deur die hele land Kanaän laat trek en sy nageslag ^dvermeerder en Isak aan hom gegee;

^een aan Isak het Ek ⁵Jakob en Esau gegee, en aan Esau het ^fEk die gebergte Seïr gegee, om dit in besit te neem; ^gmaar Jakob en sy kinders het na Egipte afgetrek.

^hToe het Ek Moses en Aäron gestuur en Egipte getref soos Ek dit daar gedoen het, en daarna het Ek julle uitgelei.

Toe Ek julle vaders uit Egipte uitgelei het, het julle by die see gekom; ⁱmaar die Egiptenaars het julle vaders agternagejaag met strydwaens en perderuiters na die Skelfsee toe;

maar hulle het die HERE aangeroep, en Hy het ’n duisternis gestel tussen julle en die Egiptenaars en die see oor hulle laat kom, sodat dit hulle oordek het, en ⁶julle eie oë het gesien wat Ek aan Egipte gedoen het. Daarna het julle baie dae in die woestyn gebly.

^kDaarop het Ek julle gebring in die land van die Amoriete wat oos van die Jordaan gewoon het, en hulle het teen julle geveg; maar Ek het hulle in julle hand gegee, sodat julle hul land in besit geneem het, en Ek het hulle voor julle uit verdelg.

^lToe het Balak, die seun van Sippor, die koning van Moab, hom klaargemaak en teen Israel ⁷geveg; en hy het gestuur om Bíleam, die seun van Beor, te roep om julle te vervloek;

maar Ek wou nie na Bíleam luister nie, sodat hy julle net geseën het; en Ek het julle uit sy hand gered.

^mToe julle die Jordaan deurgetrek en by Jérigo gekom het, het die ⁸burgers van Jérigo, die Amoriete en Feresiete en Kanaäniete en Hetiete en Girgasiete, die Hewiete en Jebusiete teen julle ⁹geveg; ⁿmaar Ek het hulle in julle hand gegee

en ^o10perdebye voor julle uit gestuur, wat hulle voor julle uit verdryf het, — ^p11die twee konings van die Amoriete — nie deur jou ¹²swaard en nie deur jou ¹²boog nie.

^qSo het Ek julle dan ’n land gegee waar julle nie aan gearbei ¹³en stede wat julle nie gebou het nie, dat julle daarin kan woon; ¹⁴wingerde en olyfbome wat julle nie geplant het nie, daar eet julle van.

Vrees dan nou die HERE en dien Hom ¹⁵in opregtheid en waarheid, en verwyder die gode wat ¹⁶julle vaders gedien het oorkant die Eufraat en in Egipte, en dien die HERE.

¹⁷Maar as dit verkeerd is in julle oë om die HERE te dien, kies dan vir julle vandag wie julle wil dien: òf die gode wat julle vaders daar oorkant die Eufraat gedien het, òf die gode van die Amoriete in wie se land julle woon; maar ek en my huis, ons sal die HERE dien.

Toe antwoord die volk en sê: ¹⁸Dit is ver van ons, dat ons die HERE sou verlaat om ander gode te dien;

want die HERE onse God, dit is Hy wat ons en ons vaders uit Egipteland uit die slawehuis laat optrek het, en wat voor ons oë hierdie groot tekens gedoen het en ons bewaar het op die hele pad wat ons gegaan en onder al die volke waar ons dwarsdeur getrek het;

en die HERE het al die volke en die Amoriet, die inwoner van die land, voor ons uit verdrywe. ¹⁹Ook ons sal die HERE dien, want Hy is onse God.

Maar Josua het vir die volk gesê: ²⁰Julle kan die HERE nie dien nie, want Hy is ’n ²¹heilige God, Hy is ’n jaloerse God; Hy sal julle oortreding en julle sondes nie ²²vergewe nie.

As julle die HERE verlaat en vreemde gode dien, ^rsal Hy julle weer kwaad aandoen en julle vernietig, nadat Hy aan julle goed gedoen het.

Toe sê die volk vir Josua: ²³Nee, maar ons sal die HERE dien.

Daarop sê Josua aan die volk: Julle is getuies teen julleself dat julle vir julleself die HERE gekies het om Hom te dien. En hulle sê: Ons is getuies.

Verwyder dan nou die ²⁴vreemde gode wat onder julle is, en neig julle hart tot die HERE, die God van Israel.

Daarop sê die volk aan Josua: Ons sal die HERE onse God dien en na sy stem luister.

²⁵En op dié dag het Josua met die volk ’n ^sverbond gesluit en vir hulle ’n insetting en ’n reg vasgestel in ²⁶Sigem.

En Josua het hierdie ²⁷woorde in die wetboek van God geskrywe en ’n groot klip geneem en dié daar opgerig onder ²⁸die eikeboom wat by die heilige plek van die HERE is.

Toe sê Josua aan die hele volk: Kyk, hierdie klip sal ’n getuie teen ons wees, ²⁹want hy het al die woorde van die HERE gehoor wat Hy met ons gespreek het; en hy sal ’n getuie teen julle wees, sodat julle jul God ³⁰nie verloën nie.

Toe het Josua die volk laat gaan, elkeen na sy erfdeel toe.

En ná hierdie dinge het Josua, die seun van Nun, die kneg van die HERE, gesterwe, ³¹honderd-en-tien jaar oud.

En hulle het hom begrawe op die grondgebied van sy erfdeel in ^t32Timnat-Serag wat op die gebergte van Efraim lê, noord van die berg Gaäs.

En Israel het die HERE gedien al die dae van Josua en al die dae van die oudstes ³³wat lank ná Josua nog in die lewe was en met al die werke van die HERE ³⁴bekend was wat Hy vir Israel gedoen het.

Ook die gebeente van Josef ^vwat die kinders van Israel uit Egipte saamgebring het, het hulle begrawe ³⁵in Sigem, op die stuk grond wat Jakob van die kinders van Hemor, die vader van Sigem, vir ³⁶honderd geldstukke gekoop het, en ³⁷wat die kinders van Josef as erfdeel ontvang het.

En toe Eleásar, die seun van Aäron, gesterf het, het hulle hom begrawe op die heuwel van sy seun Pínehas wat aan hom gegee was op die gebergte van Efraim.