Die sondoffer.

VERDER het die HERE met Moses gespreek en gesê:

Spreek met die kinders van Israel en sê: As ¹iemand in ²swakheid sondig teen ³een van alle ⁴gebooie van die HERE en ⁵een van die dinge wat nie gedoen mag word nie, ⁶tog doen —

as die ⁷gesalfde priester ⁸sondig, ⁹sodat die volk daardeur skuldig word, moet hy vir die sonde wat hy gedoen het, ’n ¹⁰jong bul sonder gebrek aan die HERE ¹¹as sondoffer bring;

en hy moet die bul bring na die ingang van die tent van samekoms, voor die aangesig van die HERE, en moet sy hand op die kop van die bul lê en ¹²die bul slag voor die aangesig van die HERE.

Dan moet die gesalfde priester ^avan die bloed van die bul neem en dit na die tent van samekoms bring,

en die priester moet sy vinger in die bloed steek en van die bloed sewe maal sprinkel voor die aangesig van die HERE, voor die ¹³voorhangsel van die heiligdom.

Ook moet die priester van die bloed ¹⁴stryk ^baan die ¹⁵horings van die ¹⁶altaar van die reukwerk van speserye, wat ¹⁷in die tent van samekoms is, voor die aangesig van die HERE; en hy moet al die orige bloed van die bul uitgiet aan ¹⁸die onderkant van die brandofferaltaar wat ¹⁹by die ingang van die tent van samekoms is;

en al die vet van die sondofferbul moet hy van hom aflig, ^cdie vet wat oor die binnegoed lê, en al die vet wat aan die binnegoed is,

en die twee niere en die vet daarop wat aan die lendene is, en die lap aan die lewer — by die niere moet hy dit wegneem —

soos dit van die dankofferbul afgelig word — ^den die priester moet dit aan die brand steek op die brandofferaltaar.

Maar die ^evel van die bul en al sy vleis met die kop en die pote en die binnegoed en die mis —

die hele bul ^fmoet hy buitekant die laer uitbring op ’n rein plek ²⁰waar die as uitgegooi word, en hy moet hom op hout met vuur verbrand; op die plek waar die as uitgegooi word, moet hy verbrand word.

En as ^gdie hele vergadering van Israel ²¹hulle misgaan sonder dat die vergadering hom daarvan bewus is; en hulle ²²enigiets doen ²³wat die HERE verbied het, en ²⁴skuldig word;

en die sonde wat hulle ²⁵so gedoen het, bekend word, moet die vergadering ’n jong bul as sondoffer laat aankom en hom ²⁶voor die tent van samekoms bring,

en die ²⁷oudstes van die vergadering moet hulle hande op die kop van die bul lê voor die aangesig van die HERE, en ²⁸die bul moet voor die aangesig van die HERE geslag word.

Dan moet die ²⁹gesalfde priester van die bloed van die bul in die tent van samekoms bring,

en die priester moet sy vinger in die bloed steek en sewe maal voor die aangesig van die HERE, voor ³⁰die voorhangsel sprinkel.

En hy moet van die bloed stryk aan die horings van die altaar wat in die tent van samekoms voor die aangesig van die HERE is. Dan moet hy al die orige bloed uitgiet aan die onderkant van die brandofferaltaar wat by die ingang van die tent van samekoms is;

en hy moet al die vet van hom aflig en op die altaar aan die brand steek

en met die bul doen soos hy met die sondofferbul gedoen het. So moet hy met hom maak; en die priester moet vir hulle ³¹versoening doen, en dit sal hulle ³²vergewe word.

Daarna moet hy die bul buitekant die laer uitbring en hom verbrand soos hy die ³³eerste bul verbrand het; dit is ’n sondoffer van die vergadering.

As ’n owerste sondig en ³⁴in swakheid ³⁵enigiets doen wat die HERE sy God verbied het, en hy skuldig word;

³⁶of as sy sonde wat hy so gedoen het, aan hom bekend word, moet hy as sy offer bring ³⁷’n bok sonder gebrek, ’n ram;

en hy moet sy hand op die kop van die bok lê en ³⁸hom slag op die plek ³⁹waar hulle die brandoffer voor die aangesig van die HERE slag; dit is ’n sondoffer.

Dan moet die priester van die bloed van die sondoffer met sy vinger neem en dit aan die horings van die brandofferaltaar stryk; maar die orige bloed moet hy aan die onderkant van die brandofferaltaar uitgiet.

Hy moet ook al die vet op die altaar aan die brand steek soos die vet van die dankoffer. So moet die priester dan vir hom ⁴⁰versoening doen weens sy sonde, en dit sal hom vergewe word.

^hEn as ⁴¹iemand ⁴²van die volk van die land ⁴³in swakheid sondig, omdat hy enigiets doen wat die HERE verbied het, en hy skuldig word;

of as sy sonde wat hy gedoen het, aan hom bekend word, dan moet hy as sy offer bring ’n ⁴⁴bok sonder gebrek, ’n ooi, vir die sonde wat hy gedoen het;

en hy moet sy hand op die kop van die sondoffer lê en die sondoffer slag op ⁴⁵die plek van die brandoffer.

Dan moet die priester van haar bloed met sy vinger neem en dit aan die horings van die brandofferaltaar stryk; maar al die orige bloed moet hy aan die onderkant van die altaar uitgiet;

ⁱen al die vet moet hy wegneem soos die vet van die dankoffer af weggeneem is, en die priester ^kmoet dit op die altaar aan die brand steek as lieflike geur vir die HERE. So moet die priester dan vir hom ⁴⁶versoening doen, en dit sal hom vergewe word.

Maar ingeval hy ’n skaaplam as sy sondoffer bring, moet dit ’n ooi wees sonder gebrek wat hy bring;

en hy moet sy hand op die kop van die sondoffer lê en ⁴⁷dit as sondoffer slag op die plek waar hulle die brandoffer slag.

Dan moet die priester van die bloed van die sondoffer met sy vinger neem en dit aan die horings van die brandofferaltaar stryk, maar al die orige bloed moet hy aan die onderkant van die altaar uitgiet;

en al die vet moet hy wegneem soos die vet van die dankofferlam weggeneem word, en die priester moet ⁴⁸dit op die altaar ⁴⁹oor die vuuroffers van die HERE aan die brand steek. So moet die priester dan vir hom versoening doen vir die sonde wat hy gedoen het, en dit sal hom vergewe word.