EN as ¹iemand sondig — dat hy die luid uitgesproke ²beswering hoor, terwyl hy getuie was, ³dit gesien het of daarvan ⁴weet — as hy naamlik dit ⁵nie te kenne gee nie en so sy ⁶ongeregtigheid moet dra;

^aof as iemand enigiets aanraak wat ⁷onrein is — die aas van ’n onrein wilde dier of die aas van onrein vee of die aas van onrein ⁸gedierte wat rondkruip — en dit vir hom ⁹verborge was, maar hy onrein geword het en skuldig is;

of as hy iets onreins van ’n mens aanraak — ¹⁰volgens al die onreinheid waardeur hy hom kan verontreinig — en dit vir hom verborge was, maar hy ¹¹dit te wete gekom het en skuldig is;

of as iemand sweer terwyl hy onverskillig met die lippe ¹²praat om kwaad of goed te doen — volgens alles wat ’n mens met ’n eed onverskillig kan praat — en dit vir hom ¹³verborge was, maar hy dit te wete gekom het en skuldig is aan ¹⁴een van hierdie dinge;

¹⁵as hy dan ¹⁶aan een van hierdie dinge skuldig is, moet hy bely ¹⁷waar hy teen gesondig het,

en as ¹⁸boete vir die sonde wat hy gedoen het, aan die HERE ’n ooi bring van die ¹⁹kleinvee, ’n skaaplam of ’n bok, as ²⁰sondoffer. En die priester moet vir hom versoening doen weens sy sonde.

^bMaar ²¹as hy nie’n stuk kleinvee kan ²²bekostig nie, moet hy as boete vir wat hy gesondig het, twee tortelduiwe of twee ²³jong duiwe aan die HERE bring, een as sondoffer en een as brandoffer;

en hy moet hulle na die priester bring, wat dié een eerste moet offer wat as sondoffer bedoel is, en sy kop ^cvlak voor sy nek afknyp sonder om dit af te trek.

Dan moet hy van die bloed van die sondoffer teen die kant van die altaar sprinkel; maar wat oorbly van die bloed, moet aan die onderkant van die altaar uitgedruk word; dit is ’n sondoffer.

En die ander een moet hy as brandoffer ^d24volgens voorskrif berei. So moet die priester dan vir hom versoening doen weens die sonde wat hy gedoen het, en dit sal hom vergewe word.

Maar as hy nie twee tortelduiwe of twee jong duiwe kan bekostig nie, moet hy as offer vir wat hy gesondig het, die ²⁵tiende van ’n efa fynmeel as sondoffer bring. Hy moet geen olie daarop gooi en geen wierook daar byvoeg nie, want dit is ’n sondoffer.

En hy moet dit na ^edie priester bring, en die priester moet daar ’n handvol van neem as die gedenkoffer en dit op die altaar ²⁶oor die vuuroffers van die HERE ^faan die brand steek; dit is ’n sondoffer.

So moet die priester dan vir hom versoening doen vir die sonde wat hy gedoen het in enigeen van hierdie ²⁷gevalle, en dit sal hom vergewe word; verder ^gbehoort ²⁸dit aan die priester net soos die spysoffer.

Die skuldoffer.

OOK het die HERE met Moses gespreek en gesê:

As ²⁹iemand in iets ontrou handel en in swakheid ³⁰sondig met betrekking tot een van die ³¹heilige gawes van die HERE, moet hy as ³²boete aan die HERE bring ’n ram sonder gebrek van die kleinvee, ³³na jou skatting van die waarde ^hin sikkels silwer, ³⁴volgens ⁱdie sikkel van die heiligdom, as ’n skuldoffer.

En hy moet vir wat hy ten opsigte van die heilige gawes gesondig het, vergoeding gee en nog die vyfde deel daarvan byvoeg en dit aan die priester gee; en die priester moet vir hom versoening doen deur die ³⁵skuldofferram, en dit sal hom vergewe word.

En as iemand sondig en onbewus enigiets doen wat die HERE verbied het, en skuldig word en sy ³⁶ongeregtigheid moet dra,

dan moet hy van die kleinvee, na jou skatting, ’n ram sonder gebrek as skuldoffer na die priester bring; en die priester moet vir hom versoening doen vir die misdryf wat hy sonder opset, onbewus begaan het; en dit sal hom vergewe word.

Dit is ’n skuldoffer; hy is ³⁷sekerlik skuldig teenoor die HERE.