Wyding van Aäron en sy seuns.

VERDER het die HERE met Moses gespreek en gesê:

^aNeem Aäron en sy seuns saam met hom, en ¹die klere en ²die ^bsalfolie en ³die sondofferbul en die twee ramme en die ⁴mandjie met ongesuurde koeke,

en versamel die hele vergadering by die ingang van die tent van samekoms.

En Moses het gedoen soos die HERE hom beveel het, en die vergadering het bymekaargekom by die ingang van die tent van samekoms.

Toe sê Moses aan die vergadering: Dit is ⁵die saak ^cwat die HERE ⁶beveel het om te doen.

En Moses het Aäron en sy seuns laat nader kom en hulle met ⁷water gewas.

^dDaarop het hy ⁸hom ⁹die rok aangetrek en hom met die gordel gegord en hom die mantel aangetrek; ook het hy hom ¹⁰die skouerkleed aangetrek en hom gegord met die band van die skouerkleed en daarmee hom die skouerkleed omgebind.

Verder het hy hom die ^eborstas aangeheg en in die borstas ¹¹die Urim en die Tummim gesit.

En hy het die tulband op sy hoof gesit en aan die tulband, ¹²aan die voorkant, die goue ¹³plaat, ¹⁴die heilige kroon, bevestig, ^fsoos die HERE Moses beveel het.

Toe het Moses die salfolie geneem en die ¹⁵tabernakel en alles wat daarin was, gesalf en dit ¹⁶geheilig.

En hy het daarvan sewe maal op die altaar gesprinkel en die altaar gesalf en al sy gereedskap, met die ¹⁷waskom en sy voetstuk, om dit te heilig.

Daarna het hy ^gvan die salfolie op die hoof van Aäron gegiet en hom gesalf om hom te heilig.

Ook het Moses die seuns van Aäron laat nader kom en hulle die rokke aangetrek en hulle gegord met ’n gordel en hulle die musse omgebind ^hsoos die HERE Moses beveel het.

ⁱDaarop het hy die sondofferbul laat aankom, en Aäron en sy seuns ¹⁸het hulle hande op die kop van die sondofferbul gelê.

En Moses het dit geslag en die bloed geneem en daarvan met sy vinger rondom aan die horings van die altaar gestryk en ¹⁹die altaar ontsondig; maar die orige bloed het hy aan die onderkant van die altaar uitgegooi. So het hy dit dan geheilig deur ²⁰daar versoening voor te doen.

Verder het hy al die vet wat ²¹aan die binnegoed was en die lap aan die lewer en die twee niere en hulle vet geneem, en Moses het dit op die altaar aan die brand gesteek.

Maar die bul met sy vel en sy vleis en sy mis het hy buitekant die laer met vuur verbrand, ^ksoos die HERE Moses beveel het.

Daarop het hy die brandofferram laat aankom, en Aäron en sy seuns het hulle hande op die kop van die ram gelê.

En Moses het dit geslag en die bloed rondom teen die altaar uitgegooi.

Hy het ook die ram ²²in sy stukke verdeel, en Moses het die kop en die stukke en die vet aan die brand gesteek;

maar die binnegoed en die pote het hy ²³met water gewas, en Moses het die hele ram op die altaar aan die brand gesteek; dit was ’n brandoffer ²⁴as lieflike geur, ’n vuuroffer was dit aan die HERE, ^lsoos die HERE Moses beveel het.

Daarop het hy die ander ram, ²⁵die wydingsram, laat aankom; en Aäron met sy seuns het hulle hande op die kop van die ram gelê.

En Moses het dit geslag en van die bloed geneem en dit aan die ²⁶regteroorlel van Aäron en aan die duim van sy regterhand en aan die groottoon van sy regtervoet gestryk.

Moses het ook die seuns van Aäron laat nader kom en van die bloed aan hulle regteroorlel en aan die duim van hulle regterhand en aan die groottoon van hulle regtervoet gestryk; daarna het Moses die orige bloed rondom teen die altaar uitgegooi.

^mEn hy het die vet geneem met die vetstert en al die vet wat aan die binnegoed was, en die lap aan die lewer en die twee niere en hulle vet en die regterboud.

Ook het hy uit die mandjie met ongesuurde koeke wat ²⁷voor die aangesig van die HERE was, een ongesuurde koek geneem en ²⁸een oliebrood koek en een platkoek; en hy het dit op die stukke vet en op die regterboud neergesit

ⁿen dit alles op die ²⁹hande van Aäron en die hande van sy seuns gelê; en hy het dit as ³⁰beweegoffer voor die aangesig van die HERE beweeg.

Daarop het Moses dit uit hulle hande geneem en dit op die altaar, bo op die brandoffer, aan die brand gesteek; ’n ³¹wydingsoffer was dit as lieflike geur, ’n vuuroffer aan die HERE.

Verder het Moses die bors geneem en dit as beweegoffer voor die aangesig van die HERE beweeg; van die wydingsram het dit aan Moses as ³²deel toegekom, ^osoos die HERE Moses beveel het.

^pMoses het ook van die salfolie en van die bloed wat aan die altaar was, geneem en dit op Aäron, op sy klere, sowel as op sy seuns en op die klere van sy seuns gesprinkel. So het hy dan Aäron, sy klere, sowel as sy seuns en die klere van sy seuns ³³geheilig.

Toe sê Moses vir Aäron en sy seuns: Kook die vleis by die ingang van die tent van samekoms ^qen eet dit daar met die brood wat in die wydingsmandjie is, soos ek beveel en gesê het: Aäron en sy seuns moet ³⁴dit eet.

Maar wat van die vleis en die brood oorbly, moet julle met vuur verbrand.

Ook mag julle sewe dae lank nie by die ingang van die tent van samekoms uitgaan nie tot op die dag dat die dae van julle wyding verby is; want sewe dae lank moet ³⁵julle wyding duur.

Soos vandag gedoen is, het die HERE beveel om verder te doen, om vir julle versoening te bewerk.

Julle moet dan by die ingang van die tent van samekoms bly, dag en nag, sewe dae lank; en julle moet die ³⁶ordening van die HERE hou, ³⁷dat julle nie sterwe nie; want so is aan my bevel gegee.

En Aäron en sy seuns het al die dinge gedoen wat die HERE ³⁸deur die diens van Moses beveel het.