Eerste offerandes van Aäron.

EN op die ¹agtste dag het Moses Aäron en sy seuns en ²die oudstes van Israel geroep

en aan Aäron gesê: ^aNeem ³vir jou ’n ⁴bulkalf as sondoffer en ’n ram as brandoffer, altwee sonder gebrek; en bring hulle ⁵voor die aangesig van die HERE.

En spreek met die kinders van Israel en sê: Neem ’n bokram as sondoffer en ’n kalf en ’n lam, altwee ⁶een jaar oud, sonder gebrek, as brandoffer,

ook ’n bul en ’n ram as dankoffer om voor die aangesig van die HERE te offer; en spysoffer met olie gemeng; want vandag ⁷verskyn die HERE aan julle.

Toe het hulle voor die tent van samekoms ⁸gebring wat Moses beveel het. En die hele vergadering het nader gekom en gaan staan voor die aangesig van die HERE.

En Moses het gesê: Dit is die saak wat die HERE julle beveel het om te doen, sodat die ⁹heerlikheid van die HERE aan julle kan verskyn.

En Moses het vir Aäron gesê: Kom nader na die altaar en berei jou ^bsondoffer en jou brandoffer, en doen versoening ¹⁰vir jou en vir die volk, en berei die offer van die volk, en doen versoening vir hulle soos die HERE beveel het.

Toe het Aäron na die altaar nader gekom en ¹¹die sondofferkalf geslag wat ¹²vir hom bedoel was.

En die seuns van Aäron het die bloed na hom gebring, en hy het sy vinger in die bloed gesteek en dit aan die horings van die altaar gestryk. Daarna het hy die orige bloed aan die onderkant van die altaar uitgegiet.

Maar die vet en die niere en die lap aan die lewer van die sondoffer het hy op die altaar ¹³aan die brand gesteek soos die HERE Moses beveel het.

En die vleis en die ¹⁴vel het hy buitekant die laer met vuur verbrand.

Toe het hy die brandoffer geslag, en die seuns van Aäron het vir hom die bloed ¹⁵aangegee, en hy het dit rondom teen die altaar uitgegooi.

Ook het hulle vir hom die brandoffer volgens sy stukke aangegee, met die kop, en hy het dit aan die brand gesteek op die altaar.

En hy het die binnegoed en die pote gewas en dit aan die brand gesteek bo op die brandoffer op die altaar.

Daarna het hy die offer ^cvan die volk gebring; hy het naamlik die sondofferbok geneem wat ¹⁶vir die volk bedoel was, en dit geslag en ¹⁷dit as sondoffer gebring soos ¹⁸tevore.

Verder het hy die brandoffer gebring en dit berei ¹⁹volgens voorskrif.

En hy ^dhet die ²⁰spysoffer gebring en ²¹’n handvol daaruit geneem en dit aan die brand gesteek op die altaar, behalwe die ^22emôrebrandoffer.

Toe het hy die bul en die ram geslag wat ²³vir die volk as dankoffer bedoel was; en die seuns van Aäron het vir hom die bloed aangegee — wat hy toe rondom teen die altaar uitgegooi het —

en die stukke vet van die bul, en van die ram die vetstert en ²⁴die netvet en die niere en die lap aan die lewer;

en hulle het die stukke vet op die borsstukke gesit, en ²⁵hy het die stukke vet op die altaar aan die brand gesteek.

Maar die borsstukke en ^fdie regterboud het Aäron as beweegoffer voor die aangesig van die HERE beweeg soos Moses beveel het.

Daarna het Aäron sy hande na die volk toe opgehef en hulle ²⁶geseën. En ²⁷hy het afgeklim ²⁸nadat hy die sondoffer en brandoffer en dankoffer gebring het.

Daarop het Moses en Aäron in die tent van samekoms gegaan; en toe hulle uitkom, het hulle die volk ²⁹geseën. En die ³⁰heerlikheid van die HERE het aan die hele volk verskyn —

^gvuur het ³¹van die aangesig van die HERE uitgegaan en op die altaar die brandoffer en die stukke vet verteer. Toe die hele volk dit sien, ³²het hulle gejuig en ³³op hulle aangesig geval.