Jesus is Here van die sabbat.

(Mark. 2:23-28; Luk. 6:1-5.)

IN^a daardie tyd het Jesus op die ¹sabbat deur die gesaaides geloop, en sy dissipels het honger geword en are begin pluk en eet.

Maar toe die Fariseërs dit sien, sê hulle vir Hom: Kyk, u dissipels doen ^bwat nie geoorloof is om op ²die sabbat te doen nie.

Maar Hy sê vir hulle: Het julle nie gelees wat Dawid gedoen het nie — toe hy en die wat saam met hom was, honger gehad het —

hoe hy in ³die huis van God gegaan en die ^c4toonbrode geëet het wat vir hom en die wat saam met hom was, nie geoorloof was om te eet nie, ^dmaar net vir die priesters alleen?

^eOf het julle nie in die wet gelees dat die priesters op die sabbat in die tempel die sabbat ⁵ontheilig en ⁶onskuldig is nie?

En Ek sê vir julle: ^fEen wat ⁷groter is as die tempel, is hier.

Maar as julle geweet het wat dit beteken: ^gEk wil barmhartigheid hê en ⁸nie offerande nie, sou julle die onskuldiges nie veroordeel het nie;

^hwant die Seun van die mens is ⁹Here óók van die sabbat.

Genesing van die man met die verdorde hand.

(Mark. 3:1-6; Luk. 6:6-11.)

ⁱEN Hy het daarvandaan weggegaan en in hulle sinagoge gekom.

En daar was ’n man met ’n verdorde hand, en hulle het Hom gevra en gesê: ^kIs dit geoorloof om op die sabbat gesond te maak? — sodat hulle Hom sou kan aanklae.

Maar Hy sê vir hulle: Watter mens sal daar onder julle wees wat een skaap het, en as dit op die sabbat ^lin ’n sloot val, dit nie sal gryp en uithaal nie?

^mHoeveel ¹⁰meer is ’n mens dan nie werd as ’n skaap nie! So is dit dan geoorloof om op die sabbat ¹¹goed te doen.

Toe sê Hy vir die man: Steek jou hand uit! En hy het dit uitgesteek, en dit is herstel, gesond soos die ander een.

ⁿDaarop het die Fariseërs uitgegaan en saam raad gehou teen Hom, ¹²sodat hulle Hom sou kan ombring.

Toe Jesus dit ¹³bemerk, het Hy daarvandaan ^oweggegaan, en groot menigtes het Hom gevolg, en Hy het hulle almal gesond gemaak,

^pen hulle ’n streng bevel gegee dat hulle Hom nie bekend moes maak nie,

sodat vervul sou word die woord wat gespreek is deur Jesaja, die profeet:

^qKyk, my ¹⁴Kneg wat Ek uitverkies het, my Geliefde in wie my siel ’n welbehae het! Ek sal my Gees op Hom lê, en Hy sal aan die nasies ¹⁵die reg aankondig.

Hy sal nie twis of ¹⁶uitroep nie, en niemand sal sy stem op die strate hoor nie.

¹⁷’n Geknakte riet sal Hy nie verbreek nie, en ’n ¹⁸lamppit wat rook, sal Hy nie uitblus nie, totdat Hy ¹⁹die reg tot oorwinning ²⁰uitbring.

En op sy Naam sal die heidene hoop.

Die godslastering van die Fariseërs.

(Mark. 3:20-30; Luk. 11:14-23.)

^rTOE het hulle ’n duiwelbesetene wat ²¹blind en stom was, na Hom gebring; en Hy het hom gesond gemaak, sodat die blinde en stomme kon praat en sien.

En die hele menigte was verbaas en het gesê: ^sIs Hy nie miskien die seun van Dawid nie?

Maar toe die Fariseërs dit hoor, sê hulle: ^tHy dryf die duiwels nie anders uit as deur ²²Beëlsebul, die owerste van die duiwels, nie.

Maar Jesus het hulle gedagtes geken en vir hulle gesê: Elke koninkryk wat teen homself verdeeld is, word verwoes; en elke stad of huis wat teen homself verdeeld is, sal nie bly staan nie.

En as die Satan die Satan uitdryf, dan is hy teen homself verdeeld. Hoe sal sy koninkryk dan bly staan?

En as Ek deur Beëlsebul die duiwels uitdryf, deur wie dryf julle ²³seuns hulle uit? Daarom sal hulle jul regters wees.

Maar as Ek deur die Gees van God die duiwels uitdryf, dan het die koninkryk van God by julle gekom.

Of hoe kan iemand in die huis van ’n sterk man ingaan en sy ²⁴goed roof, as hy nie eers die sterk man geboei het nie? En dan sal hy sy huis beroof.

Hy wat nie met My is nie, is teen My; en hy wat nie saam met My versamel nie, verstrooi.

^vDaarom sê Ek vir julle: Elke sonde en lastering sal die mense ²⁵vergewe word, maar die lastering ²⁶teen die Gees sal die mense ²⁷nie vergewe word nie.

^xEn elkeen wat ’n woord spreek teen die Seun van die mens, dit sal hom vergewe word; ^ymaar elkeen wat spreek teen die Heilige Gees, dit sal hom nie vergewe word nie, ²⁸in hierdie eeu nie en ook in die toekomende nie.

Bome en vrugte.

(Luk. 6:43-45.)

^zJULLE moet òf die boom goed ²⁹maak en sy vrugte goed, òf julle moet die boom ³⁰sleg maak en sy vrugte sleg; want aan die vrugte word die boom geken.

^aAddergeslag, hoe kan julle goeie dinge praat terwyl julle sleg is? ^bWant uit die oorvloed van die hart praat die mond.

Die goeie mens bring uit die goeie skat van sy hart goeie dinge te voorskyn, en die slegte mens bring uit die slegte skat slegte dinge te voorskyn.

Maar Ek sê vir julle ^cdat van elke ³¹ydele woord wat die mense praat, daarvan moet hulle rekenskap gee ^din die oordeelsdag.

^eWant uit jou woorde sal jy ³²geregverdig word, en uit jou woorde sal jy veroordeel word.

Die teken van Jona.

(Luk. 11:16, 29-32.)

^fTOE spreek sommige van die skrifgeleerdes en Fariseërs en sê: Meester, ons wil graag ’n teken van U sien.

Maar Hy antwoord en sê vir hulle: ’n Slegte en ³³owerspelige geslag soek na ’n teken, en geen teken sal aan hom gegee word nie, behalwe die teken van die profeet Jona.

^gWant soos Jona drie dae en drie nagte in die buik van die groot vis was, só sal die Seun van die mens ³⁴drie dae en drie nagte in die ³⁵hart van die aarde wees.

^hDie manne van Ninevé sal in die oordeel opstaan saam met hierdie geslag en dit ³⁶veroordeel; want hulle het hul ⁱop die prediking van Jona bekeer, en — meer as Jona is hier!

^kDie koningin van die ³⁷Suide sal in die oordeel opstaan saam met hierdie geslag en dit veroordeel; want sy het gekom van die ³⁸eindes van die aarde af om die wysheid van Salomo te hoor, en — meer as Salomo is hier!

^lEn wanneer die onreine gees uit die mens uitgegaan het, gaan hy deur ³⁹waterlose plekke en soek rus en vind dit nie.

Dan sê hy: Ek sal teruggaan na my huis waar ek uitgegaan het. En hy kom en vind dit leeg, uitgeveeg en ⁴⁰versier.

Dan gaan hy en neem ⁴¹sewe ander geeste slegter as hy self met hom saam, ^men hulle kom in en woon daar; en die laaste van daardie mens word erger as die eerste. ⁴²Só sal dit ook wees met hierdie bose geslag.

Die familie van Jesus.

(Mark. 3:31-35; Luk. 8:19-21.)

ⁿEN terwyl Hy nog met die skare spreek, staan sy moeder en ⁴³broers daarbuite en wou graag met Hom praat.

Toe sê iemand vir Hom: Dáár staan u moeder en u broers buite en wil graag met U praat.

Maar Hy antwoord en sê vir die een wat Hom dit vertel het: ⁴⁴Wie is my moeder? En wie is my broers?

En Hy steek sy hand oor sy dissipels uit en sê: Dáár is my moeder en my broers.

^oWant elkeen wat die wil doen van my Vader wat in die hemele is, dié is my broer en suster en moeder.