Númeri 17
Die staf van Aäron.
DAARNA het die HERE met Moses gespreek en gesê:
Spreek met die kinders van Israel en 1neem van hulle vir elke stam ’n staf, van al hulle 2owerstes volgens hulle stamme, twaalf stawe; elkeen se naam moet jy skrywe op sy staf.
En Aäron se naam moet jy skrywe op die staf van Levi; want een staf moet daar wees vir hulle 3stamhoof.
En jy moet hulle wegsit in die tent van samekoms voor die 4Getuienis awaar Ek 5met julle saamkom.
En die staf van die man wat Ek 6uitkies, sal 7bloei; en Ek sal die murmureringe van die kinders van Israel wat hulle teen 8julle murmureer, stilmaak 9teenoor My.
Daarop het Moses met die kinders van Israel gespreek; en al hulle owerstes het hom 10’n staf gegee, vir elke owerste een volgens hulle stamme, twaalf stawe. Aäron se staf was ook 11onder hulle stawe.
En Moses het die stawe voor die 12aangesig van die HERE in die tent van die Getuienis neergesit.
En toe Moses die volgende dag in die tent van die Getuienis ingaan, kyk, daar het die staf van Aäron, vir die huis van Levi, gebloei: dit het bloeisels laat uitspruit en blomme laat oopgaan en 13amandels laat ryp word!
Toe bring Moses al die stawe 14wat voor die aangesig van die HERE was, na al die kinders van Israel toe uit; en hulle het dit gesien en elkeen sy staf geneem.
Daarop het die HERE vir Moses gesê: bBring die staf van Aäron terug voor die Getuienis om dit te bewaar as teken vir die 15wederstrewiges, en 16bevry My eindelik van hulle murmureringe, dat hulle nie sterwe nie.
En Moses het dit gedoen; soos die HERE hom beveel het, so het hy gedoen.
Toe het die kinders van Israel met Moses gespreek en gesê: Kyk, ons 17sterwe, ons vergaan, ons almal vergaan!
Elkeen wat 18enigsins nader kom na die tabernakel van die HERE, sal sterwe. 19Is ons dan geheel en al daarvoor bestemd om weg te sterwe?
| 1 Hebr. neem van by hulle staf, staf, vir ’n huis van die vader, ens.
2 Sien Númeri 2. |
| 3 Dit is, vir elke stamhoof, vir elke vors of owerste van die stam. Die betekenis is: Alhoewel Ek die stam van Levi in twee groepe onderskei of gedeel het, naamlik die priesterlike linie van Aäron en die Leviete, so sal hulle nogtans in hierdie geval saam gereken word onder een stamhoof, naamlik Aäron. |
| a Ex. 25:22. | 4 Dit is, voor die verbondsark, waarin die tafels van die verbond gelê het, as ’n getuienis van God se wil.
5 Of: met, tot of by julle vergader sal word, of sal saamkom, om met julle te spreek oor alles wat julle die kinders van Israel sal opdra; waarvan die tent van samekoms vernaamlik sy naam het. Sien Ex. 25:22. |
| 6 Naamlik, tot die priesteramp.
7 Of: uitspruit, uitbot, uitskiet, en so ook in vers 8. 8 Naamlik, Moses en Aäron. 9 Hebr. van oor My of teenoor My, of: van My stilmaak of laat ophou, dit is, afwend en stilmaak; soos daar meer sulke woorde in die Hebreeuse taal is waaronder twee betekenisse verstaan moet word. Sien Gén. 12:15 se kanttekening. Die betekenis is: Ek sal sorg dat hulle ophou om teenoor My en tegelykertyd teenoor julle te murmureer; omdat hulle, terwyl hulle teen julle murmureer, inderdaad teenoor My murmureer. Sien vers 10. |
| 10 Hebr. vir ’n owerste of vors ’n staf, vir ’n owerste een.
11 Hebr. in die midde van hulle stawe. |
| 12 Sien vers 4 se kanttekening. |
| 13 Dit is, amandels gedra wat besig was om ryp te word, of geleidelik steeds ryper geword het. |
| 14 Dit is, uit die Allerheiligste, waar hulle voor die ark gelê het. |
| b Hebr. 9:4. | 15 Hebr. kinders van wederstrewigheid.
16 Hebr. hulle murmureringe eindig, van My of van teen My, oor My, dit is, eindig, en van My afwend, laat ophou, maak dat hulle nie meer teenoor My murmureer nie. Sien vers 5 se kanttekening. |
| 17 Of: ons beswyk, lê op sterwe, is in doodstryd; en so in die volgende vers. So spreek hulle uit groot skok en verbaasdheid, terwyl hulle besorgd is dat dit met hulle almal sal gaan soos met die bende van Korag; maar die HERE waarsku hulle inteendeel deur hierdie middel vir die verderf, deur sy barmhartigheid en lankmoedigheid te toon. Sien verse 5, 10. |
| 18 Hebr. wat nader kom, wat nader kom.
19 Anders: Sal ons dan heeltemal, geheel en al, ten ene male of almal tesame ondergaan? Of: Het ons geëindig om onder te gaan? Dit is, sal daar dan geen einde wees om onder te gaan nie? |
Die staf van Aäron.
DAARNA het die HERE met Moses gespreek en gesê:
Spreek met die kinders van Israel en 1neem van hulle vir elke stam ’n staf, van al hulle 2owerstes volgens hulle stamme, twaalf stawe; elkeen se naam moet jy skrywe op sy staf.
| 1 Hebr. neem van by hulle staf, staf, vir ’n huis van die vader, ens.
2 Sien Númeri 2. |
En Aäron se naam moet jy skrywe op die staf van Levi; want een staf moet daar wees vir hulle 3stamhoof.
| 3 Dit is, vir elke stamhoof, vir elke vors of owerste van die stam. Die betekenis is: Alhoewel Ek die stam van Levi in twee groepe onderskei of gedeel het, naamlik die priesterlike linie van Aäron en die Leviete, so sal hulle nogtans in hierdie geval saam gereken word onder een stamhoof, naamlik Aäron. |
En jy moet hulle wegsit in die tent van samekoms voor die 4Getuienis awaar Ek 5met julle saamkom.
| a Ex. 25:22. | 4 Dit is, voor die verbondsark, waarin die tafels van die verbond gelê het, as ’n getuienis van God se wil.
5 Of: met, tot of by julle vergader sal word, of sal saamkom, om met julle te spreek oor alles wat julle die kinders van Israel sal opdra; waarvan die tent van samekoms vernaamlik sy naam het. Sien Ex. 25:22. |
En die staf van die man wat Ek 6uitkies, sal 7bloei; en Ek sal die murmureringe van die kinders van Israel wat hulle teen 8julle murmureer, stilmaak 9teenoor My.
| 6 Naamlik, tot die priesteramp.
7 Of: uitspruit, uitbot, uitskiet, en so ook in vers 8. 8 Naamlik, Moses en Aäron. 9 Hebr. van oor My of teenoor My, of: van My stilmaak of laat ophou, dit is, afwend en stilmaak; soos daar meer sulke woorde in die Hebreeuse taal is waaronder twee betekenisse verstaan moet word. Sien Gén. 12:15 se kanttekening. Die betekenis is: Ek sal sorg dat hulle ophou om teenoor My en tegelykertyd teenoor julle te murmureer; omdat hulle, terwyl hulle teen julle murmureer, inderdaad teenoor My murmureer. Sien vers 10. |
Daarop het Moses met die kinders van Israel gespreek; en al hulle owerstes het hom 10’n staf gegee, vir elke owerste een volgens hulle stamme, twaalf stawe. Aäron se staf was ook 11onder hulle stawe.
| 10 Hebr. vir ’n owerste of vors ’n staf, vir ’n owerste een.
11 Hebr. in die midde van hulle stawe. |
En Moses het die stawe voor die 12aangesig van die HERE in die tent van die Getuienis neergesit.
| 12 Sien vers 4 se kanttekening. |
En toe Moses die volgende dag in die tent van die Getuienis ingaan, kyk, daar het die staf van Aäron, vir die huis van Levi, gebloei: dit het bloeisels laat uitspruit en blomme laat oopgaan en 13amandels laat ryp word!
| 13 Dit is, amandels gedra wat besig was om ryp te word, of geleidelik steeds ryper geword het. |
Toe bring Moses al die stawe 14wat voor die aangesig van die HERE was, na al die kinders van Israel toe uit; en hulle het dit gesien en elkeen sy staf geneem.
| 14 Dit is, uit die Allerheiligste, waar hulle voor die ark gelê het. |
Daarop het die HERE vir Moses gesê: bBring die staf van Aäron terug voor die Getuienis om dit te bewaar as teken vir die 15wederstrewiges, en 16bevry My eindelik van hulle murmureringe, dat hulle nie sterwe nie.
| b Hebr. 9:4. | 15 Hebr. kinders van wederstrewigheid.
16 Hebr. hulle murmureringe eindig, van My of van teen My, oor My, dit is, eindig, en van My afwend, laat ophou, maak dat hulle nie meer teenoor My murmureer nie. Sien vers 5 se kanttekening. |
En Moses het dit gedoen; soos die HERE hom beveel het, so het hy gedoen.
Toe het die kinders van Israel met Moses gespreek en gesê: Kyk, ons 17sterwe, ons vergaan, ons almal vergaan!
| 17 Of: ons beswyk, lê op sterwe, is in doodstryd; en so in die volgende vers. So spreek hulle uit groot skok en verbaasdheid, terwyl hulle besorgd is dat dit met hulle almal sal gaan soos met die bende van Korag; maar die HERE waarsku hulle inteendeel deur hierdie middel vir die verderf, deur sy barmhartigheid en lankmoedigheid te toon. Sien verse 5, 10. |
Elkeen wat 18enigsins nader kom na die tabernakel van die HERE, sal sterwe. 19Is ons dan geheel en al daarvoor bestemd om weg te sterwe?
| 18 Hebr. wat nader kom, wat nader kom.
19 Anders: Sal ons dan heeltemal, geheel en al, ten ene male of almal tesame ondergaan? Of: Het ons geëindig om onder te gaan? Dit is, sal daar dan geen einde wees om onder te gaan nie? |