Telling van die Leviete.

EN dit is die ¹nakomelinge van Aäron en Moses op die dag toe die HERE met Moses op die berg Sinai gespreek het.

En dit is die name van die seuns van Aäron: ^adie eersgeborene Nadab, daarna Abíhu, Eleásar en Ítamar.

Dit is die name van die seuns van Aäron, die gesalfde priesters, wat hy ²aangestel het om die priesteramp te bedien.

^bMaar Nadab en Abíhu het gesterwe ³voor die aangesig van die HERE toe hulle ⁴vreemde vuur voor die aangesig van die HERE in die woestyn Sinai gebring het, en hulle het geen kinders gehad nie; maar Eleásar en Ítamar het die priesteramp bedien ⁵voor die oë van hulle vader Aäron.

En die HERE het met Moses gespreek en gesê:

^cLaat die stam van Levi nader kom, en stel hulle voor die priester Aäron, dat hulle hom kan dien.

En hulle moet ⁶sy diens waarneem en die diens van die ⁷hele vergadering voor die tent van samekoms, om die dienswerk van die tabernakel te verrig.

En hulle moet sorg vir al die gereedskap van die tent van samekoms en vir die diens ⁸van die kinders van Israel, om die dienswerk van die tabernakel te verrig.

En jy moet die Leviete aan Aäron en sy seuns gee; hulle is heeltemal aan hom gegee uit die kinders van Israel.

Maar Aäron en sy seuns moet jy aanstel, dat hulle hul priesteramp kan waarneem; en die ⁹onbevoegde wat nader kom, moet gedood word.

En die HERE het met Moses gespreek en gesê:

Kyk, Ek self het die Leviete geneem onder die kinders van Israel uit in die plek van al die eersgeborenes ^10dwat die moederskoot open, uit die kinders van Israel, dat die Leviete myne kan wees.

Want al die eersgeborenes is myne: op die dag toe Ek al die eersgeborenes in Egipteland getref het, ^ehet Ek al die eersgeborenes in Israel vir My geheilig, mense sowel as diere; hulle moet myne wees. Ek is die HERE.

En die HERE het met Moses gespreek in die woestyn Sinai en gesê:

Tel die seuns van Levi volgens hulle families, volgens hulle geslagte; almal wat manlik is, van ¹¹’n maand oud en daarbo — dié moet jy tel.

En Moses het hulle volgens die ¹²bevel van die HERE getel soos dit hom beveel is.

^fEn dit was die seuns van Levi volgens hulle name: Gerson en Kehat en Merári.

En dit is die name van die seuns van Gerson volgens hulle geslagte: Libni en Símeï.

En die seuns van Kehat volgens hulle geslagte: Amram en Jishar, Hebron en Ússiël.

En die seuns van Merári volgens hulle geslagte: Magli en Musi. Dit is die geslagte van die Leviete volgens hulle families.

Aan Gerson behoort die geslag van die Libniete en die geslag van die Simeïete. Dit is die geslagte van die Gersoniete.

Hulle geteldes volgens die getal van almal wat manlik was, van ¹³’n maand oud en daarbo — húlle geteldes was seweduisend-vyfhonderd.

Die geslagte van die Gersoniete moet laer opslaan agter die tabernakel aan die ¹⁴westekant.

En owerste oor die familie van die Gersoniete moet Éljasaf, die seun van Lael, wees.

En ¹⁵die seuns van Gerson moet by die tent van samekoms ¹⁶versorg: ¹⁷die tabernakel en die tent, sy dekkleed en die bedekking vir die ingang van die tent van samekoms;

en die behangsels van die voorhof en die bedekking vir die ingang van die voorhof wat rondom die tabernakel en die altaar is, en sy lyne — alles wat by sy bediening behoort.

En aan Kehat het behoort die geslag van die Amramiete en die geslag van die Jishariete en die geslag van die Hebroniete en die geslag van die Ussiëliete. Dit is die geslagte van die Kehatiete.

Volgens die getal van almal wat manlik is, van ’n maand oud en daarbo, was daar agtduisend-seshonderd wat die diens van die heiligdom ¹⁸waargeneem het.

Die geslagte van die seuns van Kehat moet laer opslaan aan die kant van die tabernakel, aan die ¹⁹suidekant.

En owerste oor die familie vir die geslagte van die Kehatiete moet wees Elísafan, die seun van Ússiël.

En hulle moet versorg: die ark en die tafel en die kandelaar en die ²⁰altare en die gereedskap van die heiligdom waarmee ²¹hulle diens doen, en die ²²voorhangsel en alles wat by ²³die bediening daarvan behoort.

En ²⁴die hoof van ²⁵die owerstes van Levi moet wees Eleásar, die seun van Aäron, die priester, ²⁶die opsigter oor die ²⁷wat die diens van die heiligdom waarneem.

Aan Merári het behoort die geslag van die Magliete en die geslag van die Musiete. Dit is die geslagte van Merári.

En hulle geteldes volgens die getal van almal wat manlik is, van ’n maand oud en daarbo, was sesduisend-tweehonderd.

En die owerste van die familie vir die geslagte van Merári moet wees Súriël, die seun van Abihail; hulle moet laer opslaan aan die kant van die tabernakel, aan die noordekant.

En die toesig van die seuns van Merári — wat hulle te besorg het — moet wees oor ²⁸die style van die tabernakel en sy dwarshoute en sy pilare en sy voetstukke en al die gereedskap sowel as die hele diens wat daarby behoort;

en die pilare van die voorhof rondom en hulle voetstukke en hulle penne en hulle lyne.

En die wat voor die tabernakel laer opslaan, aan die oostekant, voor die tent van samekoms, teen sonop, moet wees Moses en Aäron met sy seuns wat die diens van die heiligdom waarneem, naamlik ²⁹die diens vir die kinders van Israel; ³⁰en die ^gonbevoegde wat nader kom, moet gedood word.

Al die geteldes van die Leviete wat Moses en Aäron volgens die bevel van die HERE, volgens hulle geslagte getel het, almal wat manlik was, van ’n maand oud en daarbo, was ³¹twee-en-twintigduisend.

En die HERE het aan Moses gesê: Tel al die manlike eersgeborenes van die kinders van Israel, van ’n maand oud en daarbo, en neem die getal van hulle name op.

En jy moet vir My — Ek is die HERE — die Leviete neem in die plek van al die eersgeborenes onder die kinders van Israel, en die vee van die Leviete in die plek van al die eersgeborenes onder die vee van die kinders van Israel.

En Moses het, soos die HERE hom beveel het, al die eersgeborenes onder die kinders van Israel getel.

En al die manlike eersgeborenes volgens die getal name, van ’n maand oud en daarbo, volgens hulle geteldes, was twee-en-twintigduisend-tweehonderd-drie-en-sewentig.

En die HERE het met Moses gespreek en gesê:

Neem die ³²Leviete in die plek van al die eersgeborenes onder die kinders van Israel, en die vee van die Leviete in die plek van hulle vee, sodat die Leviete myne kan wees. Ek is die HERE.

Wat aangaan die loskoping van die tweehonderd-drie-en-sewentig wat ³³oor is bo die Leviete, uit die eersgeborenes van die kinders van Israel,

moet jy ³⁴per hoof vyf sikkels neem; ³⁵volgens die sikkel van die heiligdom moet jy dit neem; ^hdie sikkel is twintig ³⁶gera.

En jy moet die geld as losprys van die wat onder hulle oor is, aan Aäron en sy seuns gee.

Daarop het Moses die loskoopgeld geneem van die ³⁷wat oor was bo die wat deur die Leviete losgekoop was;

van ³⁸die eersgeborenes van die kinders van Israel het hy die geld geneem, ³⁹duisend-driehonderd-vyf-en-sestig sikkels volgens die sikkel van die heiligdom.

En Moses het die loskoopgeld aan Aäron en sy seuns gegee volgens die ⁴⁰bevel van die HERE, soos die HERE Moses beveel het.