Die Israeliete oorwin die Midianiete.

EN die HERE het met Moses gespreek en gesê:

^a1Neem wraak vir die kinders van Israel op die Midianiete; ^2bdaarna sal jy by jou volksgenote versamel word.

Daarop het Moses met die volk gespreek en gesê: Laat manne uit julle midde hul ³vir die oorlog wapen, dat hulle teen Mídian kan trek om die wraakgerig ⁴van die HERE aan Mídian te voltrek.

⁵Duisend vir elke stam van al die stamme van Israel moet julle na die oorlog stuur.

Toe is daar uit die duisende van Israel duisend vir elke stam gelewer, twaalfduisend wat vir die oorlog gewapen was.

En Moses het hulle na die oorlog gestuur, duisend vir elke stam, hulle en ⁶Pínehas, die seun van die priester Eleásar, na die oorlog, met die ⁷heilige voorwerpe en die trompette by hom om alarm te blaas.

En hulle het oorlog toe getrek teen Mídian, soos die HERE Moses beveel het, en al die manlike persone gedood.

Ook het hulle die ⁸konings van Mídian gedood by die wat hulle verslaan het: ^cEwi en Rekem en ⁹Sur en Hur en Reba, die vyf konings van Mídian; ook het hulle ¹⁰Bíleam, die seun van Beor, met die swaard gedood.

Maar die kinders van Israel het die vroue van die Midianiete en hulle kinders as gevangenes weggevoer, en al hulle lasdiere en al hulle vee en al hulle rykdom geroof.

Verder, al hulle stede ¹¹in hulle woonplekke en al hulle laers het hulle met vuur verbrand

^den al die roof geneem en al die buit, mense en diere.

Daarna het hulle ¹²die gevangenes en die buit en die roof na Moses en die priester Eleásar en na die vergadering van die kinders van Israel gebring in die laer, in die vlaktes van Moab wat by die ¹³Jordaan van Jérigo is.

En toe Moses en die priester Eleásar en al die owerstes van die vergadering hulle buitekant die laer tegemoetgaan,

het Moses kwaad geword vir die aanvoerders van die leër, die owerstes oor duisend en die owerstes oor honderd wat van die veldtog af gekom het.

En Moses het vir hulle gesê: ¹⁴Het julle al die vroue laat lewe?

Kyk, hulle was, deur die ¹⁵raad van ^eBíleam, vir die kinders van Israel ’n oorsaak van troubreuk teenoor die HERE in die saak van Peor, sodat ¹⁶die plaag in die vergadering van die HERE was.

^fMaak dan nou dood almal wat van die manlike geslag onder die kinders is; en maak dood elke vrou wat ¹⁷gemeenskap met ’n man gehad het.

Maar laat al die kinders ¹⁸onder die vroulike persone wat geen gemeenskap met ’n man gehad het nie, vir julle in die lewe bly.

En julle, slaan ¹⁹sewe dae lank ’n kamp op buitekant die laer; elkeen wat ²⁰’n mens gedood en elkeen wat aan ’n gesneuwelde geraak het — julle moet jul op die derde dag en op die sewende dag ²¹ontsondig, julle en jul gevangenes.

Ook moet julle al die klere en elke ding van leer en alles wat van bokhaar gemaak is, en elke ding van hout ²²ontsondig.

En die priester Eleásar het aan die ²³krygsmanne wat na die oorlog getrek het, gesê: Dit is die wetsinsetting wat die HERE Moses beveel het.

Net ²⁴die goud en die silwer, die koper, die yster, die tin en die lood —

elke ding ²⁵wat in die vuur kan kom — moet julle deur die vuur laat deurgaan, en dit sal rein wees; ewenwel moet dit ^gdeur ²⁶reinigingswater ontsondig word; maar alles wat nie in die vuur kan kom nie, moet julle deur die water laat deurgaan.

Julle moet ook jul klere op die sewende dag was; dan sal julle rein wees; en daarna mag julle in die laer kom.

Verder het die HERE met Moses gespreek en gesê:

Neem die volle getal op ²⁷van wat as buit weggevoer is, van mense en van diere, jy en die priester Eleásar en die familiehoofde van die vergadering;

en ^hverdeel die buit ²⁸tussen die wat met die oorlog te doen gehad het, wat op kommando uitgetrek het, én die hele vergadering.

En hef ²⁹’n bydrae vir die HERE van die krygsmanne wat na die oorlog uitgetrek het —³⁰een uit elke vyfhonderd — van die mense en van die beeste en van die esels en van die ³¹kleinvee.

Van hulle helfte moet julle dit neem, en gee dit aan die priester Eleásar ³²as ’n offergawe aan die HERE.

Maar uit die helfte ³³van die kinders van Israel moet jy ³⁴een neem, uitgehaal uit elke vyftig, uit die mense, uit die beeste, uit die esels en die kleinvee, ³⁵uit al die diere; en jy moet dit aan die Leviete gee ³⁶wat die diens by die tabernakel van die HERE waarneem.

En Moses en die priester Eleásar het gedoen soos die HERE Moses beveel het.

En die buit, ³⁷die oorskot van die roof wat die ³⁸krygsmanne geneem het, was seshonderd-vyf-en-sewentigduisend stuks ³⁹kleinvee;

en twee-en-sewentigduisend beeste;

en een-en-sestigduisend esels;

en mensesiele, uit die vroulike persone wat geen gemeenskap met ’n man gehad het nie, al die siele was twee-en-dertigduisend.

En die helfte, die deel van hulle wat na die oorlog uitgetrek het, was in getal driehonderd-sewe-en-dertigduisend-vyfhonderd stuks kleinvee.

En ⁴⁰die bydrae aan die HERE uit die kleinvee was seshonderd-vyf-en-sewentig.

En die beeste was ses-en-dertigduisend, en die bydrae daarvan aan die HERE twee-en-sewentig.

En die esels was dertigduisend-vyfhonderd, en die bydrae daarvan aan die HERE een-en-sestig.

En mensesiele was sestienduisend, en die bydrae daarvan aan die HERE twee-en-dertig siele.

ⁱEn Moses het aan die priester Eleásar die bydrae gegee wat as offergawe aan die HERE bestem was, soos die HERE Moses beveel het.

En uit die ⁴¹helfte van die kinders van Israel wat Moses van die vegsmanne afgedeel het —

⁴²die helfte van die vergadering uit die kleinvee was driehonderd-sewe-en-dertigduisend-vyfhonderd;

en die beeste was ses-en-dertigduisend;

en die esels dertigduisend-vyfhonderd;

en mensesiele sestienduisend —

uit die helfte van die kinders van Israel het Moses geneem — van wat uitgehaal was, ⁴³een uit elke vyftig, van mense en van diere — en hy het dit aan die Leviete gegee wat die diens by die tabernakel van die HERE waarneem, soos die HERE Moses beveel het.

Toe het die aanvoerders oor die duisende van die leër, die owerstes oor duisend en die owerstes oor honderd, nader gekom na Moses

n aan Moses gesê: U dienaars het die volle getal van die krygsmanne opgeneem wat onder ons ⁴⁴bevel was, en ⁴⁵daarvan word nie een vermis nie.

Daarom bring elkeen van ons as offer aan die HERE wat hy aan goue ⁴⁶goed gevind het: ⁴⁷armkettings en armbande, vingerringe, oorringe en ⁴⁸halssierade, om ⁴⁹versoening te doen vir ons siele voor die aangesig van die HERE.

Toe het Moses en die priester Eleásar die goud, ⁵⁰allerhande kunsvoorwerpe, van hulle aangeneem.

En al die goud van die offergawe wat hulle aan die HERE afgegee het, was sestienduisend-sewehonderd-en-vyftig ⁵¹sikkels, afkomstig van die owerstes oor duisend en die owerstes oor honderd.

Die krygsmanne ⁵²het elkeen na welgevalle ^kbuitgemaak.

So het Moses en die priester Eleásar dan die goud van die owerstes oor duisend en oor honderd aangeneem en dit in die tent van samekoms gebring ⁵³om die kinders van Israel voor die aangesig van die HERE in gedagtenis te bring.