Offerandes van die twaalf stamowerstes ná die oprigting en heiliging van die tabernakel.

EN ¹op die dag toe Moses ^adie tabernakel klaar opgerig en dit gesalf en geheilig het met al sy gereedskap, en die altaar met al sy gereedskap, en hy dit gesalf en geheilig het,

het die ²owerstes van Israel, die hoofde van hulle families, offers gebring — hulle was die owerstes van die stamme, hulle wat oor die geteldes gestaan het —

hulle het hul offer voor die aangesig van die HERE gebring: ses ³tentwaens en twaalf beeste; ’n wa vir twee owerstes en ’n bees vir elkeen; en hulle het dit voor die tabernakel ⁴gebring.

En die HERE het met Moses gespreek en gesê:

Neem dit van hulle aan, dat dit kan gebruik word om die dienswerk van die tent van samekoms te verrig; en jy moet dit aan die Leviete gee, aan ⁵elkeen volgens sy dienswerk.

Toe het Moses die waens en die beeste geneem en dit aan die Leviete gegee:

twee waens en vier beeste het hy aan die seuns van Gerson gegee volgens hulle dienswerk;

en ⁶vier waens en agt beeste het hy aan die seuns van Merári gegee volgens hulle dienswerk, ⁷onder leiding van Ítamar, die seun van die priester Aäron.

Maar aan die seuns van Kehat het hy niks gegee nie; want die diens ⁸van die heiligdom het op hulle gerus: hulle moes ⁹dit op die skouers dra.

En die owerstes het die ¹⁰inwydingsgawe van die altaar gebring op die dag toe dit gesalf is, en die owerstes het hulle offer ¹¹voor die altaar gebring.

En die HERE het aan Moses gesê: ¹²Elke owerste moet, elkeen op ’n afsonderlike dag, sy offer bring vir die inwyding van die altaar.

En hy wat op die eerste dag sy offer gebring het, was ¹³Nagson, die seun van Ammínadab, van die stam van Juda.

En sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die ¹⁴sikkel van die heiligdom; altwee vol fynmeel met olie gemeng ¹⁵as spysoffer;

een ¹⁶rookpan van tien ¹⁷sikkels goud, vol reukwerk;

¹⁸een jong bul, een ram, ¹⁹een jaaroud lam ²⁰as brandoffer;

een bokram as ²¹sondoffer;

en ²²as dankoffer: twee beeste, vyf ramme, vyf bokramme, vyf ²³jaaroud lammers. Dit was die offer van Nagson, die seun van Ammínadab.

Op die tweede dag het Netáneël, die seun van ²⁴Suar, die owerste van Íssaskar, aangebring —

hy het sy offer gebring: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een ²⁵rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Netáneël, die seun van Suar.

Op die derde dag ²⁶die owerste van die kinders van Sébulon, Elíab, die seun van Helon.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Elíab, die seun van Helon.

Op die vierde dag die owerste van die kinders van Ruben, ²⁷Elísur, die seun van Sedéür.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Elísur, die seun van Sedéür.

Op die vyfde dag die owerste van die kinders van Símeon, Selúmiël, die seun van ²⁸Surísaddai.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Selúmiël, die seun van Surísaddai.

Op die sesde dag die owerste van die kinders van Gad, Éljasaf, die seun van Réhuel.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Éljasaf, die seun van Réhuel.

Op die sewende dag die owerste van die kinders van Efraim, Elisáma, die seun van Ammíhud.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Elisáma, die seun van Ammíhud.

Op die agtste dag die owerste van die kinders van Manasse, Gámliël, die seun van ²⁹Pedásur.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Gámliël, die seun van Pedásur.

Op die negende dag die owerste van die kinders van Benjamin, Abídan, die seun van Gideóni.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Abídan, die seun van Gideóni.

Op die tiende dag die owerste van die kinders van Dan, Ahiëser, die seun van Ammísaddai.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Ahiëser, die seun van Ammísaddai.

³⁰Op die elfde dag die owerste van die kinders van Aser, Págiël, die seun van Ogran.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Págiël, die seun van Ogran.

Op die ³¹twaalfde dag die owerste van die kinders van Náftali, Ahíra, die seun van Enan.

Sy offer was: een silwerskottel, honderd-en-dertig sikkels in gewig; een silwerkom van sewentig sikkels volgens die sikkel van die heiligdom; altwee vol fynmeel met olie gemeng as spysoffer;

een rookpan van tien sikkels goud, vol reukwerk;

een jong bul, een ram, een jaaroud lam as brandoffer;

een bokram as sondoffer;

en as dankoffer: twee beeste, vyf ramme, vyf bokramme, vyf jaaroud lammers. Dit was die offer van Ahíra, die seun van Enan.

Dit was die inwydingsgawe van die altaar van die kant van Israel se owerstes op die dag toe dit gesalf is: twaalf silwerskottels, twaalf silwerkomme, twaalf goue rookpanne —

elke skottel honderd-en-dertig sikkels silwer, en elke kom sewentig; al die silwer van die goed was tweeduisend-vierhonderd volgens die sikkel van die heiligdom —

twaalf goue rookpanne, vol reukwerk; elke rookpan tien sikkels volgens die sikkel van die heiligdom; al die goud van die rookpanne was honderd-en-twintig sikkels.

Al die beeste vir die brandoffer was twaalf bulle; die ramme twaalf, die jaaroud lammers twaalf, met hulle spysoffer; en twaalf bokramme as sondoffer.

En al die beeste vir die dankoffer was vier-en-twintig bulle; die ramme sestig, die bokramme sestig, die jaaroud lammers sestig. Dit is die inwydingsgawe van die altaar nadat dit gesalf is.

En as Moses in die ³²tent van samekoms gegaan het om ³³met Hom te spreek, het hy die stem met hom hoor spreek van die versoendeksel af wat op die ark van die Getuienis is, ³⁴tussen die twee gérubs uit. ³⁵So het Hy dan met hom gespreek.