Statevertaling – Bybelstigting
Die HERE my lig en my heil!
’N PSALM van Dawid.
aDie HERE is my 1lig en my heil: bvir wie sou ek vrees? Die HERE is die 2toevlug van my lewe: vir wie sou ek vervaard wees?
As kwaaddoeners teen my 3nader kom om my 4vlees te eet — my teëstanders en my vyande, 5ja, myne — struikel hulle self en val.
Al word ’n laer teen my opgeslaan, my hart sal nie vrees nie; al staan ’n oorlog teen my op, nogtans 6vertrou ek.
7Een ding het ek van die HERE begeer, dit sal ek 8soek: dat ek al die dae van my lewe mag woon in die huis van die HERE, om die 9lieflikheid van die HERE te aanskou en te 10ondersoek in sy 11tempel.
Want Hy steek my weg in sy 12hut in die dag van 13onheil; Hy verberg my in die skuilplek van sy 14tent; Hy verhef my op ’n 15rots.
En nou sal my hoof hoog wees bo my vyande rondom my, en ek wil in sy tent offerandes offer saam met 16trompetgeklank; ek wil sing, ja, psalmsing tot eer van die HERE.
Hoor, o HERE, 17ek roep luid; en wees my genadig en 18antwoord my.
19Van U sê my hart: 20Soek my aangesig! Ek soek u aangesig, o HERE!
Verberg u aangesig nie vir my nie, wys u kneg nie af in toorn nie: U 21was my hulp! Verstoot en verlaat my nie, o God van my heil!
Want my 22vader en my moeder het my verlaat, maar die HERE sal my 23aanneem.
HERE, cleer my u weg en lei my 24op ’n gelyk pad, vanweë my vyande.
Gee my nie oor aan die 25begeerte van my teëstanders nie, want valse getuies 26het teen my opgestaan, en hy wat geweld 27uitblaas.
28o, As ek nie geglo het dat ek die 29goedheid van die HERE sal 30sien in die 31land van die lewendes nie …
dWag op die Here! Wees sterk en 32laat jou hart sterk wees! Ja, wag op die HERE!
| a Jes. 10:17; 60:19, 20. Miga 7:8. Luk. 1:79. Joh. 1:4; 8:12. Openb. 21:23.
b Ps. 118:6. |
1 Dit is, die bewerker van my voorspoed, van my troos, van my vreugde en van my behoud. Sien oor so ’n betekenis van die woord lig Job 18:5, 6 se kanttekeninge, soos daarteenoor allerlei teëspoed deur duisternis aangedui word. Sien Gén. 15:12 se kanttekening.
2 Of: sterkte. Dit is, wat my deur sy goddelike krag of sterkte in die lewe hou en bewaar. Vgl. Deut. 30:20. Ps. 21:5. |
| 3 Naamlik om my te bestry.
4 Dit is, om my soos wrede wilde diere te verskeur en te verslind. Vgl. Deut. 31:17 se kanttekening. 5 Hierdie herhaling ja, myne dien om die uiterste vyandigheid van sy vyande uit te druk; soos dit daarenteen ’n ander nadruk het, waar Dawid in 2 Sam. 22:2 in die Hebreeus sê: die HERE is my of vir my, my redder. |
| 6 Naamlik op dit wat hy in vers 1 gesê het. |
| 7 Of: Een begeerte het ek begeer. Vgl. Rig. 8:24. 1 Sam. 2:20; en in die besonder 1 Kon. 2:20. Dit wil voorkom of Dawid hierdie psalm gedig het in sy ballingskap, toe hy wel onder baie swarighede gebuk gegaan het, maar deur geeneen so bedruk en gekwel was as deur die feit dat hy nie die suiwer godsdiens en goddelike waartekens van die saligmakende genade saam met God se volk kon gebruik nie; waarom hy dit ook vernaamlik en gedurig in hierdie tyd in sy gebede aan God voorgehou het.
8 Dit is, sonder ophou daarvoor bid en daarna streef. 9 Dit is, die lieflike godsdiens, waardeur die Messías met al sy weldade afgebeeld en God daagliks geloof en geprys word. 10 Naamlik die HERE se heilige genadewerke en wil uit sy Woord. Vgl. 1 Petr. 1:10-12. 11 Of: paleis; verstaan die tabernakel of tent van samekoms. Die regte tempel is eers later deur Salomo gebou, hoewel Dawid die voorneme gehad het om dit te bou, voordat hy God se wil deur Natan verstaan het. |
| 12 Soos ’n herder sy skaap, so steek die HERE my veilig weg.
13 Dit is, in tyd van teëspoed en onrus. 14 Soos ’n mens iemand in tyd van nood verberg in skuilplekke van sy tent; vgl. Ps. 31:21. 15 Naamlik waar ek veilig is en bewaar word. Sien 2 Sam. 22:3 se kanttekening. |
| 16 Naamlik dié brandoffers en dankoffers, waartydens op die twee silwer trompette geblaas is, volgens die wet in Núm. 10:10. |
| 17 Hebr. my stem, ek roep, ens.
18 Dit is, bewys die verhoring met daadwerklike hulp. |
| 19 Of: Aangaande U, ens. Asof hy sê: Ek hoor U in my hart tot my spreek, of: My hart hou hierdie woorde van U aan my voor: Soek my aangesig; en nou, HERE, soek ek dit, terwyl ek doen wat U my gebied, so verberg u aangesig tog nie, ens., soos ook in die volgende vers.
20 Sien Ps. 24:6 en die kanttekening. |
| 21 Naamlik altyd, tevore. Vgl. Ps. 10:14. |
| 22 Hy wil sê dat hy eensaam en soos ’n weeskind (soos hy dikwels elders spreek) ontbloot is van die hulp van diegene wat die naaste aan hom is en die meeste daartoe verplig was, maar hom nie kon, wou of durf help het nie. Vgl. Ps. 69:9. Anders: Alhoewel my vader en my moeder my verlaat het, so sal die HERE my tog aanneem. Van sy ouers en broers lees ’n mens wel in 1 Sam. 22:1, 3, dat hulle na hom gekom het in die spelonk van Adúllam; maar dat hulle hom verlaat het, word nêrens in die Skrif vermeld nie. Tensy ’n mens dit só verstaan dat hulle hom geen hulp kon bied nie, maar dat hy veelmeer vir hulle moes sorg dat hulle in ’n veilige plek gebring kon word, soos in 1 Samuel 22 beskryf word; of dat hulle in daardie tyd moontlik reeds oorlede was.
23 Hebr. versamel. Sien Ps. 26:9 se kanttekening. |
| c Ps. 25:4; 86:11; 119. | 24 Hebr. op ’n regte of gelyke pad; vgl. Ps. 26:12. Sodat hulle my nie betrap nie, wat op my loer om iets in my wandel te vind waaroor hul my sou kon belaster, of om my êrens weerloos te vind en met behendigheid in te haal en te oorval. |
| 25 Hebr. siel, welke woord soms gebruik word vir wil, begeerte, lus, voorneme. Sien Gén. 23:8 se kanttekening. Net so ook in Ps. 41:3; 78:18. Pred. 6:7, 9. Jer. 15:1. Eség. 16:27.
26 Waarvan Doëg een was, 1 Sam. 22:9, 10. Sien ook Ps. 35:11. 27 Verstaan elkeen van hulle, of een wat die vernaamste is. Uitblaas, dit is, wat niks anders nie as geweld blaas. Vgl. hierdie manier van spreek met Ps. 10:5. Hand. 9:1. |
| 28 Dit is ’n onvoltooide en afgebroke redevoering van die profeet, wat voortkom uit die oordenking van al die verskriklike gevare en swarighede wat hom oorgekom het, wat so erg was dat hy menigmaal sou moes beswyk, indien sy geloof op God se beloftes hom nie ondersteun het nie, ja, so versterk het dat hy ander ook kon leer om die goeie uitkoms met onvermoeide geduld en vertroue te verwag, soos hy in dit wat hier volg, en in Ps. 31:24, doen.
29 Dit is, verlossing, asook die beloofde koninkryk, met God se seën. 30 Dit is, met vreugde geniet; soos in Ps. 4:7. 31 Dit is, hier op aarde nog sal beleef en geniet. So word deur die land van die lewendes elders ook hierdie teenswoordige bestaan en lewe op aarde verstaan. Sien Job 28:13 se kanttekening. Ps. 52:7; 116:9. Jer. 11:19. |
| d Jes. 25:9; 33:2. Háb. 2:3. | 32 Anders: Hy sal jou hart versterk. Omdat jy hiervoor veels te swak is en dit dikwels self voel, hou daarom goeie moed, die HERE sal jou van krag voorsien, sodat jy Hom met geduld en bestendigheid sal verwag. |
Die HERE my lig en my heil!
’N PSALM van Dawid.
aDie HERE is my 1lig en my heil: bvir wie sou ek vrees? Die HERE is die 2toevlug van my lewe: vir wie sou ek vervaard wees?
| a Jes. 10:17; 60:19, 20. Miga 7:8. Luk. 1:79. Joh. 1:4; 8:12. Openb. 21:23.
b Ps. 118:6. |
1 Dit is, die bewerker van my voorspoed, van my troos, van my vreugde en van my behoud. Sien oor so ’n betekenis van die woord lig Job 18:5, 6 se kanttekeninge, soos daarteenoor allerlei teëspoed deur duisternis aangedui word. Sien Gén. 15:12 se kanttekening.
2 Of: sterkte. Dit is, wat my deur sy goddelike krag of sterkte in die lewe hou en bewaar. Vgl. Deut. 30:20. Ps. 21:5. |
As kwaaddoeners teen my 3nader kom om my 4vlees te eet — my teëstanders en my vyande, 5ja, myne — struikel hulle self en val.
| 3 Naamlik om my te bestry.
4 Dit is, om my soos wrede wilde diere te verskeur en te verslind. Vgl. Deut. 31:17 se kanttekening. 5 Hierdie herhaling ja, myne dien om die uiterste vyandigheid van sy vyande uit te druk; soos dit daarenteen ’n ander nadruk het, waar Dawid in 2 Sam. 22:2 in die Hebreeus sê: die HERE is my of vir my, my redder. |
Al word ’n laer teen my opgeslaan, my hart sal nie vrees nie; al staan ’n oorlog teen my op, nogtans 6vertrou ek.
| 6 Naamlik op dit wat hy in vers 1 gesê het. |
7Een ding het ek van die HERE begeer, dit sal ek 8soek: dat ek al die dae van my lewe mag woon in die huis van die HERE, om die 9lieflikheid van die HERE te aanskou en te 10ondersoek in sy 11tempel.
| 7 Of: Een begeerte het ek begeer. Vgl. Rig. 8:24. 1 Sam. 2:20; en in die besonder 1 Kon. 2:20. Dit wil voorkom of Dawid hierdie psalm gedig het in sy ballingskap, toe hy wel onder baie swarighede gebuk gegaan het, maar deur geeneen so bedruk en gekwel was as deur die feit dat hy nie die suiwer godsdiens en goddelike waartekens van die saligmakende genade saam met God se volk kon gebruik nie; waarom hy dit ook vernaamlik en gedurig in hierdie tyd in sy gebede aan God voorgehou het.
8 Dit is, sonder ophou daarvoor bid en daarna streef. 9 Dit is, die lieflike godsdiens, waardeur die Messías met al sy weldade afgebeeld en God daagliks geloof en geprys word. 10 Naamlik die HERE se heilige genadewerke en wil uit sy Woord. Vgl. 1 Petr. 1:10-12. 11 Of: paleis; verstaan die tabernakel of tent van samekoms. Die regte tempel is eers later deur Salomo gebou, hoewel Dawid die voorneme gehad het om dit te bou, voordat hy God se wil deur Natan verstaan het. |
Want Hy steek my weg in sy 12hut in die dag van 13onheil; Hy verberg my in die skuilplek van sy 14tent; Hy verhef my op ’n 15rots.
| 12 Soos ’n herder sy skaap, so steek die HERE my veilig weg.
13 Dit is, in tyd van teëspoed en onrus. 14 Soos ’n mens iemand in tyd van nood verberg in skuilplekke van sy tent; vgl. Ps. 31:21. 15 Naamlik waar ek veilig is en bewaar word. Sien 2 Sam. 22:3 se kanttekening. |
En nou sal my hoof hoog wees bo my vyande rondom my, en ek wil in sy tent offerandes offer saam met 16trompetgeklank; ek wil sing, ja, psalmsing tot eer van die HERE.
| 16 Naamlik dié brandoffers en dankoffers, waartydens op die twee silwer trompette geblaas is, volgens die wet in Núm. 10:10. |
Hoor, o HERE, 17ek roep luid; en wees my genadig en 18antwoord my.
| 17 Hebr. my stem, ek roep, ens.
18 Dit is, bewys die verhoring met daadwerklike hulp. |
19Van U sê my hart: 20Soek my aangesig! Ek soek u aangesig, o HERE!
| 19 Of: Aangaande U, ens. Asof hy sê: Ek hoor U in my hart tot my spreek, of: My hart hou hierdie woorde van U aan my voor: Soek my aangesig; en nou, HERE, soek ek dit, terwyl ek doen wat U my gebied, so verberg u aangesig tog nie, ens., soos ook in die volgende vers.
20 Sien Ps. 24:6 en die kanttekening. |
Verberg u aangesig nie vir my nie, wys u kneg nie af in toorn nie: U 21was my hulp! Verstoot en verlaat my nie, o God van my heil!
| 21 Naamlik altyd, tevore. Vgl. Ps. 10:14. |
Want my 22vader en my moeder het my verlaat, maar die HERE sal my 23aanneem.
| 22 Hy wil sê dat hy eensaam en soos ’n weeskind (soos hy dikwels elders spreek) ontbloot is van die hulp van diegene wat die naaste aan hom is en die meeste daartoe verplig was, maar hom nie kon, wou of durf help het nie. Vgl. Ps. 69:9. Anders: Alhoewel my vader en my moeder my verlaat het, so sal die HERE my tog aanneem. Van sy ouers en broers lees ’n mens wel in 1 Sam. 22:1, 3, dat hulle na hom gekom het in die spelonk van Adúllam; maar dat hulle hom verlaat het, word nêrens in die Skrif vermeld nie. Tensy ’n mens dit só verstaan dat hulle hom geen hulp kon bied nie, maar dat hy veelmeer vir hulle moes sorg dat hulle in ’n veilige plek gebring kon word, soos in 1 Samuel 22 beskryf word; of dat hulle in daardie tyd moontlik reeds oorlede was.
23 Hebr. versamel. Sien Ps. 26:9 se kanttekening. |
HERE, cleer my u weg en lei my 24op ’n gelyk pad, vanweë my vyande.
| c Ps. 25:4; 86:11; 119. | 24 Hebr. op ’n regte of gelyke pad; vgl. Ps. 26:12. Sodat hulle my nie betrap nie, wat op my loer om iets in my wandel te vind waaroor hul my sou kon belaster, of om my êrens weerloos te vind en met behendigheid in te haal en te oorval. |
Gee my nie oor aan die 25begeerte van my teëstanders nie, want valse getuies 26het teen my opgestaan, en hy wat geweld 27uitblaas.
| 25 Hebr. siel, welke woord soms gebruik word vir wil, begeerte, lus, voorneme. Sien Gén. 23:8 se kanttekening. Net so ook in Ps. 41:3; 78:18. Pred. 6:7, 9. Jer. 15:1. Eség. 16:27.
26 Waarvan Doëg een was, 1 Sam. 22:9, 10. Sien ook Ps. 35:11. 27 Verstaan elkeen van hulle, of een wat die vernaamste is. Uitblaas, dit is, wat niks anders nie as geweld blaas. Vgl. hierdie manier van spreek met Ps. 10:5. Hand. 9:1. |
28o, As ek nie geglo het dat ek die 29goedheid van die HERE sal 30sien in die 31land van die lewendes nie …
| 28 Dit is ’n onvoltooide en afgebroke redevoering van die profeet, wat voortkom uit die oordenking van al die verskriklike gevare en swarighede wat hom oorgekom het, wat so erg was dat hy menigmaal sou moes beswyk, indien sy geloof op God se beloftes hom nie ondersteun het nie, ja, so versterk het dat hy ander ook kon leer om die goeie uitkoms met onvermoeide geduld en vertroue te verwag, soos hy in dit wat hier volg, en in Ps. 31:24, doen.
29 Dit is, verlossing, asook die beloofde koninkryk, met God se seën. 30 Dit is, met vreugde geniet; soos in Ps. 4:7. 31 Dit is, hier op aarde nog sal beleef en geniet. So word deur die land van die lewendes elders ook hierdie teenswoordige bestaan en lewe op aarde verstaan. Sien Job 28:13 se kanttekening. Ps. 52:7; 116:9. Jer. 11:19. |
dWag op die Here! Wees sterk en 32laat jou hart sterk wees! Ja, wag op die HERE!
| d Jes. 25:9; 33:2. Háb. 2:3. | 32 Anders: Hy sal jou hart versterk. Omdat jy hiervoor veels te swak is en dit dikwels self voel, hou daarom goeie moed, die HERE sal jou van krag voorsien, sodat jy Hom met geduld en bestendigheid sal verwag. |