Skip to main content

Statevertaling – Bybelstigting

Psalm 37

Geluk van die goddelose is maar skyn.

1

’N PSALM van Dawid.

1Alef. aWees nie toornig op die 2kwaaddoeners nie, beny hulle nie wat onreg doen nie;

2

want soos gras sal hulle gou verwelk, en soos 3groen grasspruitjies sal hulle 4verdroog.

3

Bet. Vertrou op die HERE, en doen wat goed is; 5bewoon die aarde en 6beoefen getrouheid,

4

en verlustig jou in die HERE; dan sal Hy jou gee die begeertes van jou hart.

5

Gimel. b7Laat jou weg aan die HERE oor en vertrou op Hom, en Hý sal dit 8uitvoer;

6

en Hy sal jou geregtigheid laat voortkom soos die 9lig en jou reg soos die middag.

7

Dalet. 10Swyg voor die HERE en 11verwag Hom; wees nie toornig op hom 12wat voorspoedig in sy weg is nie, op die man wat listige planne 13uitvoer nie.

8

He. Laat staan die toorn en verlaat die grimmigheid; wees nie toornig nie: dit is net om 14kwaad te stig.

9

Want die kwaaddoeners sal uitgeroei word; maar die wat die HERE verwag, hulle sal die aarde 15besit.

10

Wau. En nog ’n 16klein rukkie en die goddelose sal daar nie wees nie; ja, jy sal ag gee op sy 17plek, maar 18hy sal daar nie wees nie.

11

Die 19ootmoediges daarenteen sal die caarde besit en hulle verlustig oor 20groot vrede.

12

Sajin. Die goddelose bedink listige planne teen die regverdige en 21kners met sy tande teen hom.

13

Die Here 22lag oor hom, want Hy sien dat 23sy dag kom.

14

Get. Die goddelose het die swaard 24getrek en hulle boog 25gespan om die 26ellendige en behoeftige te laat val, om dié te slag wat opreg is van 27weg.

15

Hulle 28swaard sal in hul hart gaan, en hulle boë sal verbreek word.

16

Tet. ’n Klein bietjie is vir die regverdige 29beter as die 30rykdom van baie goddelose;

17

want die 31arms van die goddelose sal verbreek word, maar die HERE ondersteun die regverdiges.

18

Jod. Die HERE 32ken die 33dae van die 34opregtes, en hulle erfdeel sal tot in ewigheid 35bly.

19

Hulle sal nie beskaamd staan in die 36slegte tyd nie, en in dae van hongersnood sal hulle versadig word.

20

Kaf. Maar die goddelose sal omkom en die vyande van die HERE soos die 37prag van die weivelde; hulle verdwyn soos rook, hulle verdwyn.

21

Lamed. Die goddelose leen en gee nie terug nie, maar die regverdige 38ontferm hom en gee;

22

want die wat deur Hom geseën word, sal die aarde besit; maar die wat deur Hom vervloek word, sal uitgeroei word.

23

Mem. Deur die HERE word die 39gange van 40’n man 41bevestig, en Hy het ’n welbehae in sy weg.

24

As hy 42val, dan stort hy nie neer nie; want die HERE ondersteun sy hand.

25

Noen. Ek was 43jonk, ook het ek oud geword, maar nooit het ek die regverdige verlate gesien, of dat sy 44nageslag brood soek nie.

26

Die hele dag ontferm hy hom en leen uit, en sy nageslag is 45’n seën.

27

Samek. Wyk af van wat kwaad is, en doen wat goed is, en jy sal vir ewig 46woon;

28

want die HERE het die reg lief en sal sy 47gunsgenote nie verlaat nie; vir ewig word hulle bewaar, maar die 48nageslag van die goddelose word uitgeroei.

29

49Die regverdiges sal die 50aarde besit en vir ewig daarop woon.

30

Pe. Die mond van die regverdige verkondig wysheid, en sy tong spreek 51wat reg is.

31

dDie wet van sy God is in sy 52hart; sy gange 53sal nie wankel nie.

32

Sade. Die goddelose loer op die regverdige en soek om hom dood te maak.

33

Die HERE gee hom nie oor in sy hand nie, en Hy veroordeel hom nie as hy 54gerig word nie.

34

Kof. Wag op die HERE en hou sy weg, en Hy sal jou verhoog, om die aarde te besit; jy sal 55met welgevalle neersien op die uitroeiing van die goddelose mense.

35

Resj. Ek het die 56goddelose gesien, ’n 57geweldenaar, terwyl hy hom 58uitbrei soos ’n groen 59inlandse boom.

36

60Toe gaan iemand verby, en kyk, hy was daar nie; en ek het hom gesoek, maar hy was nie te vinde nie.

37

Sjin. Let op die vrome en kyk na die 61opregte, want daar is ’n 62toekoms vir die man van vrede.

38

Maar die oortreders word tesame verdelg; die 63toekoms van die goddelose word afgesny.

39

Tau. Maar die hulp van die regverdiges is van die HERE, hulle toevlug in tyd van benoudheid.

40

En die HERE help hulle en red hulle; Hy red hulle van die goddelose mense en verlos hulle, want hulle skuil by Hom.

a Spr. 23:17; 24:1. 1 Sien Psalm 25 se inleiding oor hierdie gebruik van die Hebreeuse alfabet.

2 Wat op aarde voorspoedig en gelukkig is, soos hierna verklaar word; waaruit blyk dat die heerlike beloftes, wat in hierdie psalm en elders aan die vromes gemaak word, nie die tydelike voorspoed van die bose en die kruis of die teëspoed van die vromes uitsluit nie; aangesien hierdie psalm, asook ander, in die besonder daartoe dien om die ergernis, wat die vromes daaruit sou kon skep, te voorkom. Sien Ps. 34:13 se kanttekening. Maar in dit alles bly God se seën oor die vromes en die vloek op die goddeloses, sodat die vromes ewig salig, en die goddeloses daarenteen ewig verlore sal wees. Vgl. Job 9:23 se kanttekening. Ps. 73:2, ens.

3 Hebr. die groenigheid van die jong gras.

4 Of: verwelk, soos blare wat afval; soos in Ps. 1:3. Sien die kanttekening aldaar.

5 Dit is, so sal jy die aarde in die algemeen, en die land Kanaän (wat ’n voorbeeld was van die hemelse) in die besonder bewoon, en getrouheid beoefen, ens. So ook in vers 27 en elders. Sulke beloftes, wat gebiedenderwys uitgespreek is, is baie kragtig, asof die vromes in daadwerklike genieting en besit van dit wat beloof is, gebring word. Vgl. Spr. 3:3 se kanttekening.

6 Ander vertaal met voed jou met getrouheid; hulle kies vir ’n ander hoofbetekenis van die Hebreeuse woord, wat letterlik wei of gewei word is. Die betekenis is dan: die HERE sal jou getrou voed, volgens sy beloftes, soos hierna verklaar word. Of: onderhou jou met die oordenking van God se getroue beloftes, wat nie faal nie. Sommige verstaan die Hebreeuse woord emuna (wat hier met getrouheid vertaal is) as sekerheid, bestendigheid, dit is, ’n bestendige en vaste staat wat God die vromes toesê, selfs tydens hul verdrukkinge, terwyl die goddeloses se vreugde soos gras van die veld spoedig verdwyn. Vgl. Spr. 2:7 se kanttekening.

b Ps. 22:9; 55:23. Spr. 16:3. Matt. 6:25. Luk. 12:22. 1 Petr. 5:7. 7 Of: Wentel jou weg, dit is, dra al jou voorneme en dade, sorg, bekommernis, aan die HERE op, vertrou dit Hom toe. Sien Ps. 22:9 se kanttekening, en vgl. Matt. 6:25, ens. Luk. 12:22, ens.

8 Of: doen, uitrig.

9 Naamlik, van die son of van die dag, dit is, dat dit so duidelik is soos wanneer die son in die middel van die dag skyn. Vgl. Job 5:14 se kanttekening.
10 Dit is, murmureer nie teen die HERE nie, maar aanvaar dit met geduld. Sien oor sulke stilswye, of stilte van geduld en hoop, Ps. 39:10; 62:2, 6; 65:2 en die kanttekening. Jes. 30:15. Klaagl. 3:26-28. Sef. 1:7.

11 Anders: dra smart om sy ontwil.

12 Dit is, wie se voorneme en dade goed afloop, al deug dit nie.

13 Hebr. doen.

14 Dit is, sodat jy jou sou vergryp deur te twyfel aan God se voorsienigheid en trou, of deur afvallig te wees, dat jy sou begeer om die goddeloses se voorbeeld te volg, omdat dit lyk asof alles by hulle voor die wind gaan. Sien Ps. 125:3.
15 Hebr. beërwe, as erfdeel in besit neem.
16 Dit is, hy sal die vromes slegs vir ’n kort tydjie kwel. Sien Ps. 30:6 se kanttekening.

17 Naamlik waar hy gestaan het, terwyl hy blom soos ’n mooi boom, verse 35, 36.

18 Of: dit, naamlik sy plek, dit is, sy woning, hy self met al sy staat en heerlikheid. Sien Job 7:10 en die kanttekening.

c Matt. 5:5. 19 Sien Ps. 10:17 se kanttekening.

20 Hebr. grootheid of veelheid van vrede, dit is, groot welvaart, veelvoudige welstand, vernaamlik in die geestelike. Vgl. Jes. 48:18, en sien Gén. 37:14 se kanttekening.

21 Soos in Ps. 35:16. Sien die kanttekening aldaar.
22 Sien Ps. 2:4 se kanttekening.

23 Naamlik die dag van die wraak van die Here, of die dag van die goddelose se verderf en ondergang, wat hom deur God se regverdige oordeel opgelê is. Sien Job 18:20. Jer. 17:18; 18:17. Eség. 7:10, 12; 27:27; 30:2, 3, 9; 32:10. Hos. 1:11. Anders word deur iemand se dag ook eenvoudig ’n mens se sterfdag verstaan, asook die mens se tyd, soos in Job 15:32. Pred. 7:17.

24 Hebr. geopen; omdat die skede deur die uittrek van die swaard geopen word.

25 Hebr. getrap. Sien Ps. 7:13 se kanttekening.

26 Hierdie benamings van die vromes verklaar die beloftes wat God hier aan hulle beloof. Sien vers 1 se kanttekening, en vgl. verse 16, 19, 21, 25, 26.

27 Dit is, van lewe en wandel. So ook in vers 23.

28 Dit is, hulle aanslae sal tot hul eie verderf lei.
29 Naamlik omdat dit regverdig besit en godvrugtig gebruik word.

30 Hebr. eintlik: veelheid, menigte, naamlik van goedere, dit is, rykdom, soos in Pred. 5:9.

31 Dit is, hul mag, middele en geweld. Sien Job 22:8 se kanttekening.
32 Vgl. Ps. 1:6 se kanttekening.

33 Dit is, die staat van hul lewens, hoe hulle hul tyd deurbring, in verdrukking, vroomheid en geduld. Vgl. Ps. 31:16 se kanttekening.

34 Sien Gén. 6:9 se kanttekening. So ook vers 37.

35 Hebr. wees; so ook in Jer. 17:8; 27:22; 32:5. Dan. 1:21, ens.

36 Of: ten tyde van die sleg, dit is, as allerlei ongeval en ellendes plaasvind as gevolg van hongersnood.
37 Hebr. die kosbare lammers, of: die kosbare van die lammers. Of: die kosbaarste lammers, of: die kosbaarste van die lammers. Dit is, die vet, wat ’n mens ag as die beste en kosbaarste, en wat volgens die wet van God in die offers met vuur verteer moes word, waarop die profeet skynbaar wys in hierdie beeld. Sien Lev. 3:10, 11, 14-16. Anders: die prag van die velde of weivelde; omdat die Hebreeuse woord ook op ander plekke so verstaan word.
38 Of: handel welwillend, gunstig, vrygewig.
39 Of: treë, voetstappe.

40 Wat deur die HERE geseën is, uit die voorgaande vers, of: van die regverdige, uit vers 21.

41 Of: gestuur, gerig, dit is, Hy regeer en seën die mens se voorneme; en al val hy soms, bewaar Hy hom tog, sodat hy nie heeltemal verval nie; maar Hy rig hom weer op, soos volg.

42 Vgl. Spr. 24:16.
43 Of: ’n jongeling. Sien Jer. 1:6 se kanttekening.

44 Dit is, sy kinders en nakomelinge, so ook in verse 26, 28. Tensy dit God behaag om na sy vrye en vaderlike welbehae sy kinders met armoede en hongersnood tot sy eer en hul beswil te beproef en te toets, waarin Hy hulle nogtans nie verlaat nie, maar allermees bystaan en versterk, sodat hulle vergenoeg en as ’t ware versadig is. Sien verse 1, 14 se kanttekeninge, net so ook vers 19, en vgl. Luk. 16:20, 21. 2 Kor. 11:27. Filip. 4:11. Hebr. 11:37.

45 Dit is, word deur God geseën, terwyl hulle die seën van Abraham erf. Vgl. Gén. 12:2 se kanttekening. Net so ook 1 Petr. 3:9. Of: tot seën.
46 Sien vers 3 se kanttekening.
47 Sien Ps. 4:4 se kanttekening.

48 Sien Job 18:19. Ps. 21:11; 109:13.

49 Hierdie vers begin nie met die letter ajin nie, soos dit volgens die volgorde van die Hebreeuse alfabet sou wees.

50 Hoewel hulle vreemdelinge op aarde is, nogtans sal hulle in die land van belofte (wat ’n pand van die hemelse is), en verder waar hulle ook op aarde is, te midde van die ongerustheid van die goddeloses en die onsekerheid van die lewe (onder die vaderlike beskerming en toesig van God, deur die geloof, vertroue en salige hoop) ’n bestendige, seker en geruste toestand hê, as ware besitters en erfgename van alle seëninge van Abraham in die eniggebore Seun van God, die Messías, Rom. 8:17. Gal. 3:14.

51 Hebr. die reg. Sien Job 34:4 se kanttekening.
d Ps. 40:9. Jes. 51:7. 52 Vgl. Deut. 6:6. Jer. 31:33. Hebr. 8:10.

53 Hebr. sal nie waggel of gly nie; dit is, nie een van sy gange sal gly of wankel nie, dit is, hy sal van ongeluk en verderf of van afval van God se wet bewaar word. Vgl. die volgende en voorgaande.

54 Naamlik as hy voor die gereg gestel word, sal hy ’n gunstige en genadige God hê.
55 Dit is, met vreugde in die HERE, of: as die goddelose mense uitgeroei word, sal jy dit sien.
56 Soos Saul, Doëg, Absalom, Agitófel was, ens.

57 Of: verskriklike, tiran.

58 Of: ontdoen. Hebr. eintlik: ontbloot; omdat die stam, wat tevore (wanneer die takkies klein en naby aan mekaar rondom die boonste deel van die stam was) asof bedek was, daarna, soos die takke groter word en hulle uitbrei, ontbloot word.

59 Of: self gegroei, wat nie van elders gebring en oorgeplant is nie, maar uit sy eie natuurlike grond opgekom het, daarop staande gebly het, en oor die algemeen langer lewe en beter groei as een wat verplant is. Die Hebreeuse woord beteken ook ’n inboorling of kind van die land, gestel teenoor ’n vreemdeling, Ex. 12:19. Lev. 16:29. Sommige verstaan hier ’n lourierboom, ander ’n sederboom, maar die betekenis wat eie is aan die woord is in die teks gevolg.

60 Anders: Maar hy het verbygegaan. Dit is, hy het vinnig verdwyn, soos ’n verbygaande wolk, wat in ’n kort tyd verdwyn.
61 Hebr. regte, ens. Sien Ps. 7:11 se kanttekening.

62 Of: want die einde van daardie man sal vrede wees. Hebr. agterste, uiterste, laaste. Vgl. Deut. 32:20 en Spr. 14:12 se kanttekeninge. Dit is, hy sal ten laaste voorspoedig wees, dit sal uiteindelik met hom goed gaan; dit sal jy gewaar, sou jy daarop ag gee. Anders: want daar is loon vir die man van vrede. Sommige verstaan dit van die nakomelinge, so ook hierna. Vgl. Ps. 109:13 en Jer. 31:17 se kanttekeninge.

63 Dit is, die goddeloses word ten laaste uitgeroei, soos ’n boom met wortel en al.

Geluk van die goddelose is maar skyn.

1

’N PSALM van Dawid.

1Alef. aWees nie toornig op die 2kwaaddoeners nie, beny hulle nie wat onreg doen nie;

a Spr. 23:17; 24:1. 1 Sien Psalm 25 se inleiding oor hierdie gebruik van die Hebreeuse alfabet.

2 Wat op aarde voorspoedig en gelukkig is, soos hierna verklaar word; waaruit blyk dat die heerlike beloftes, wat in hierdie psalm en elders aan die vromes gemaak word, nie die tydelike voorspoed van die bose en die kruis of die teëspoed van die vromes uitsluit nie; aangesien hierdie psalm, asook ander, in die besonder daartoe dien om die ergernis, wat die vromes daaruit sou kon skep, te voorkom. Sien Ps. 34:13 se kanttekening. Maar in dit alles bly God se seën oor die vromes en die vloek op die goddeloses, sodat die vromes ewig salig, en die goddeloses daarenteen ewig verlore sal wees. Vgl. Job 9:23 se kanttekening. Ps. 73:2, ens.

2

want soos gras sal hulle gou verwelk, en soos 3groen grasspruitjies sal hulle 4verdroog.

3 Hebr. die groenigheid van die jong gras.

4 Of: verwelk, soos blare wat afval; soos in Ps. 1:3. Sien die kanttekening aldaar.

3

Bet. Vertrou op die HERE, en doen wat goed is; 5bewoon die aarde en 6beoefen getrouheid,

5 Dit is, so sal jy die aarde in die algemeen, en die land Kanaän (wat ’n voorbeeld was van die hemelse) in die besonder bewoon, en getrouheid beoefen, ens. So ook in vers 27 en elders. Sulke beloftes, wat gebiedenderwys uitgespreek is, is baie kragtig, asof die vromes in daadwerklike genieting en besit van dit wat beloof is, gebring word. Vgl. Spr. 3:3 se kanttekening.

6 Ander vertaal met voed jou met getrouheid; hulle kies vir ’n ander hoofbetekenis van die Hebreeuse woord, wat letterlik wei of gewei word is. Die betekenis is dan: die HERE sal jou getrou voed, volgens sy beloftes, soos hierna verklaar word. Of: onderhou jou met die oordenking van God se getroue beloftes, wat nie faal nie. Sommige verstaan die Hebreeuse woord emuna (wat hier met getrouheid vertaal is) as sekerheid, bestendigheid, dit is, ’n bestendige en vaste staat wat God die vromes toesê, selfs tydens hul verdrukkinge, terwyl die goddeloses se vreugde soos gras van die veld spoedig verdwyn. Vgl. Spr. 2:7 se kanttekening.

4

en verlustig jou in die HERE; dan sal Hy jou gee die begeertes van jou hart.

5

Gimel. b7Laat jou weg aan die HERE oor en vertrou op Hom, en Hý sal dit 8uitvoer;

b Ps. 22:9; 55:23. Spr. 16:3. Matt. 6:25. Luk. 12:22. 1 Petr. 5:7. 7 Of: Wentel jou weg, dit is, dra al jou voorneme en dade, sorg, bekommernis, aan die HERE op, vertrou dit Hom toe. Sien Ps. 22:9 se kanttekening, en vgl. Matt. 6:25, ens. Luk. 12:22, ens.

8 Of: doen, uitrig.

6

en Hy sal jou geregtigheid laat voortkom soos die 9lig en jou reg soos die middag.

9 Naamlik, van die son of van die dag, dit is, dat dit so duidelik is soos wanneer die son in die middel van die dag skyn. Vgl. Job 5:14 se kanttekening.
7

Dalet. 10Swyg voor die HERE en 11verwag Hom; wees nie toornig op hom 12wat voorspoedig in sy weg is nie, op die man wat listige planne 13uitvoer nie.

10 Dit is, murmureer nie teen die HERE nie, maar aanvaar dit met geduld. Sien oor sulke stilswye, of stilte van geduld en hoop, Ps. 39:10; 62:2, 6; 65:2 en die kanttekening. Jes. 30:15. Klaagl. 3:26-28. Sef. 1:7.

11 Anders: dra smart om sy ontwil.

12 Dit is, wie se voorneme en dade goed afloop, al deug dit nie.

13 Hebr. doen.

8

He. Laat staan die toorn en verlaat die grimmigheid; wees nie toornig nie: dit is net om 14kwaad te stig.

14 Dit is, sodat jy jou sou vergryp deur te twyfel aan God se voorsienigheid en trou, of deur afvallig te wees, dat jy sou begeer om die goddeloses se voorbeeld te volg, omdat dit lyk asof alles by hulle voor die wind gaan. Sien Ps. 125:3.
9

Want die kwaaddoeners sal uitgeroei word; maar die wat die HERE verwag, hulle sal die aarde 15besit.

15 Hebr. beërwe, as erfdeel in besit neem.
10

Wau. En nog ’n 16klein rukkie en die goddelose sal daar nie wees nie; ja, jy sal ag gee op sy 17plek, maar 18hy sal daar nie wees nie.

16 Dit is, hy sal die vromes slegs vir ’n kort tydjie kwel. Sien Ps. 30:6 se kanttekening.

17 Naamlik waar hy gestaan het, terwyl hy blom soos ’n mooi boom, verse 35, 36.

18 Of: dit, naamlik sy plek, dit is, sy woning, hy self met al sy staat en heerlikheid. Sien Job 7:10 en die kanttekening.

11

Die 19ootmoediges daarenteen sal die caarde besit en hulle verlustig oor 20groot vrede.

c Matt. 5:5. 19 Sien Ps. 10:17 se kanttekening.

20 Hebr. grootheid of veelheid van vrede, dit is, groot welvaart, veelvoudige welstand, vernaamlik in die geestelike. Vgl. Jes. 48:18, en sien Gén. 37:14 se kanttekening.

12

Sajin. Die goddelose bedink listige planne teen die regverdige en 21kners met sy tande teen hom.

21 Soos in Ps. 35:16. Sien die kanttekening aldaar.
13

Die Here 22lag oor hom, want Hy sien dat 23sy dag kom.

22 Sien Ps. 2:4 se kanttekening.

23 Naamlik die dag van die wraak van die Here, of die dag van die goddelose se verderf en ondergang, wat hom deur God se regverdige oordeel opgelê is. Sien Job 18:20. Jer. 17:18; 18:17. Eség. 7:10, 12; 27:27; 30:2, 3, 9; 32:10. Hos. 1:11. Anders word deur iemand se dag ook eenvoudig ’n mens se sterfdag verstaan, asook die mens se tyd, soos in Job 15:32. Pred. 7:17.

14

Get. Die goddelose het die swaard 24getrek en hulle boog 25gespan om die 26ellendige en behoeftige te laat val, om dié te slag wat opreg is van 27weg.

24 Hebr. geopen; omdat die skede deur die uittrek van die swaard geopen word.

25 Hebr. getrap. Sien Ps. 7:13 se kanttekening.

26 Hierdie benamings van die vromes verklaar die beloftes wat God hier aan hulle beloof. Sien vers 1 se kanttekening, en vgl. verse 16, 19, 21, 25, 26.

27 Dit is, van lewe en wandel. So ook in vers 23.

15

Hulle 28swaard sal in hul hart gaan, en hulle boë sal verbreek word.

28 Dit is, hulle aanslae sal tot hul eie verderf lei.
16

Tet. ’n Klein bietjie is vir die regverdige 29beter as die 30rykdom van baie goddelose;

29 Naamlik omdat dit regverdig besit en godvrugtig gebruik word.

30 Hebr. eintlik: veelheid, menigte, naamlik van goedere, dit is, rykdom, soos in Pred. 5:9.

17

want die 31arms van die goddelose sal verbreek word, maar die HERE ondersteun die regverdiges.

31 Dit is, hul mag, middele en geweld. Sien Job 22:8 se kanttekening.
18

Jod. Die HERE 32ken die 33dae van die 34opregtes, en hulle erfdeel sal tot in ewigheid 35bly.

32 Vgl. Ps. 1:6 se kanttekening.

33 Dit is, die staat van hul lewens, hoe hulle hul tyd deurbring, in verdrukking, vroomheid en geduld. Vgl. Ps. 31:16 se kanttekening.

34 Sien Gén. 6:9 se kanttekening. So ook vers 37.

35 Hebr. wees; so ook in Jer. 17:8; 27:22; 32:5. Dan. 1:21, ens.

19

Hulle sal nie beskaamd staan in die 36slegte tyd nie, en in dae van hongersnood sal hulle versadig word.

36 Of: ten tyde van die sleg, dit is, as allerlei ongeval en ellendes plaasvind as gevolg van hongersnood.
20

Kaf. Maar die goddelose sal omkom en die vyande van die HERE soos die 37prag van die weivelde; hulle verdwyn soos rook, hulle verdwyn.

37 Hebr. die kosbare lammers, of: die kosbare van die lammers. Of: die kosbaarste lammers, of: die kosbaarste van die lammers. Dit is, die vet, wat ’n mens ag as die beste en kosbaarste, en wat volgens die wet van God in die offers met vuur verteer moes word, waarop die profeet skynbaar wys in hierdie beeld. Sien Lev. 3:10, 11, 14-16. Anders: die prag van die velde of weivelde; omdat die Hebreeuse woord ook op ander plekke so verstaan word.
21

Lamed. Die goddelose leen en gee nie terug nie, maar die regverdige 38ontferm hom en gee;

38 Of: handel welwillend, gunstig, vrygewig.
22

want die wat deur Hom geseën word, sal die aarde besit; maar die wat deur Hom vervloek word, sal uitgeroei word.

23

Mem. Deur die HERE word die 39gange van 40’n man 41bevestig, en Hy het ’n welbehae in sy weg.

39 Of: treë, voetstappe.

40 Wat deur die HERE geseën is, uit die voorgaande vers, of: van die regverdige, uit vers 21.

41 Of: gestuur, gerig, dit is, Hy regeer en seën die mens se voorneme; en al val hy soms, bewaar Hy hom tog, sodat hy nie heeltemal verval nie; maar Hy rig hom weer op, soos volg.

24

As hy 42val, dan stort hy nie neer nie; want die HERE ondersteun sy hand.

42 Vgl. Spr. 24:16.
25

Noen. Ek was 43jonk, ook het ek oud geword, maar nooit het ek die regverdige verlate gesien, of dat sy 44nageslag brood soek nie.

43 Of: ’n jongeling. Sien Jer. 1:6 se kanttekening.

44 Dit is, sy kinders en nakomelinge, so ook in verse 26, 28. Tensy dit God behaag om na sy vrye en vaderlike welbehae sy kinders met armoede en hongersnood tot sy eer en hul beswil te beproef en te toets, waarin Hy hulle nogtans nie verlaat nie, maar allermees bystaan en versterk, sodat hulle vergenoeg en as ’t ware versadig is. Sien verse 1, 14 se kanttekeninge, net so ook vers 19, en vgl. Luk. 16:20, 21. 2 Kor. 11:27. Filip. 4:11. Hebr. 11:37.

26

Die hele dag ontferm hy hom en leen uit, en sy nageslag is 45’n seën.

45 Dit is, word deur God geseën, terwyl hulle die seën van Abraham erf. Vgl. Gén. 12:2 se kanttekening. Net so ook 1 Petr. 3:9. Of: tot seën.
27

Samek. Wyk af van wat kwaad is, en doen wat goed is, en jy sal vir ewig 46woon;

46 Sien vers 3 se kanttekening.
28

want die HERE het die reg lief en sal sy 47gunsgenote nie verlaat nie; vir ewig word hulle bewaar, maar die 48nageslag van die goddelose word uitgeroei.

47 Sien Ps. 4:4 se kanttekening.

48 Sien Job 18:19. Ps. 21:11; 109:13.

29

49Die regverdiges sal die 50aarde besit en vir ewig daarop woon.

49 Hierdie vers begin nie met die letter ajin nie, soos dit volgens die volgorde van die Hebreeuse alfabet sou wees.

50 Hoewel hulle vreemdelinge op aarde is, nogtans sal hulle in die land van belofte (wat ’n pand van die hemelse is), en verder waar hulle ook op aarde is, te midde van die ongerustheid van die goddeloses en die onsekerheid van die lewe (onder die vaderlike beskerming en toesig van God, deur die geloof, vertroue en salige hoop) ’n bestendige, seker en geruste toestand hê, as ware besitters en erfgename van alle seëninge van Abraham in die eniggebore Seun van God, die Messías, Rom. 8:17. Gal. 3:14.

30

Pe. Die mond van die regverdige verkondig wysheid, en sy tong spreek 51wat reg is.

51 Hebr. die reg. Sien Job 34:4 se kanttekening.
31

dDie wet van sy God is in sy 52hart; sy gange 53sal nie wankel nie.

d Ps. 40:9. Jes. 51:7. 52 Vgl. Deut. 6:6. Jer. 31:33. Hebr. 8:10.

53 Hebr. sal nie waggel of gly nie; dit is, nie een van sy gange sal gly of wankel nie, dit is, hy sal van ongeluk en verderf of van afval van God se wet bewaar word. Vgl. die volgende en voorgaande.

32

Sade. Die goddelose loer op die regverdige en soek om hom dood te maak.

33

Die HERE gee hom nie oor in sy hand nie, en Hy veroordeel hom nie as hy 54gerig word nie.

54 Naamlik as hy voor die gereg gestel word, sal hy ’n gunstige en genadige God hê.
34

Kof. Wag op die HERE en hou sy weg, en Hy sal jou verhoog, om die aarde te besit; jy sal 55met welgevalle neersien op die uitroeiing van die goddelose mense.

55 Dit is, met vreugde in die HERE, of: as die goddelose mense uitgeroei word, sal jy dit sien.
35

Resj. Ek het die 56goddelose gesien, ’n 57geweldenaar, terwyl hy hom 58uitbrei soos ’n groen 59inlandse boom.

56 Soos Saul, Doëg, Absalom, Agitófel was, ens.

57 Of: verskriklike, tiran.

58 Of: ontdoen. Hebr. eintlik: ontbloot; omdat die stam, wat tevore (wanneer die takkies klein en naby aan mekaar rondom die boonste deel van die stam was) asof bedek was, daarna, soos die takke groter word en hulle uitbrei, ontbloot word.

59 Of: self gegroei, wat nie van elders gebring en oorgeplant is nie, maar uit sy eie natuurlike grond opgekom het, daarop staande gebly het, en oor die algemeen langer lewe en beter groei as een wat verplant is. Die Hebreeuse woord beteken ook ’n inboorling of kind van die land, gestel teenoor ’n vreemdeling, Ex. 12:19. Lev. 16:29. Sommige verstaan hier ’n lourierboom, ander ’n sederboom, maar die betekenis wat eie is aan die woord is in die teks gevolg.

36

60Toe gaan iemand verby, en kyk, hy was daar nie; en ek het hom gesoek, maar hy was nie te vinde nie.

60 Anders: Maar hy het verbygegaan. Dit is, hy het vinnig verdwyn, soos ’n verbygaande wolk, wat in ’n kort tyd verdwyn.
37

Sjin. Let op die vrome en kyk na die 61opregte, want daar is ’n 62toekoms vir die man van vrede.

61 Hebr. regte, ens. Sien Ps. 7:11 se kanttekening.

62 Of: want die einde van daardie man sal vrede wees. Hebr. agterste, uiterste, laaste. Vgl. Deut. 32:20 en Spr. 14:12 se kanttekeninge. Dit is, hy sal ten laaste voorspoedig wees, dit sal uiteindelik met hom goed gaan; dit sal jy gewaar, sou jy daarop ag gee. Anders: want daar is loon vir die man van vrede. Sommige verstaan dit van die nakomelinge, so ook hierna. Vgl. Ps. 109:13 en Jer. 31:17 se kanttekeninge.

38

Maar die oortreders word tesame verdelg; die 63toekoms van die goddelose word afgesny.

63 Dit is, die goddeloses word ten laaste uitgeroei, soos ’n boom met wortel en al.
39

Tau. Maar die hulp van die regverdiges is van die HERE, hulle toevlug in tyd van benoudheid.

40

En die HERE help hulle en red hulle; Hy red hulle van die goddelose mense en verlos hulle, want hulle skuil by Hom.