Skip to main content

Statevertaling – Bybelstigting

Psalm 40

Welgeluksalig is hy wat op die HERE vertrou.

1

VIR die 1musiekleier. ’n Psalm van Dawid.

2

Ek het die HERE 2lank verwag, en Hy het 3Hom na my toe neergebuig en my hulpgeroep gehoor;

3

en Hy het my uit die 4kuil van vernietiging, uit die 5modderige slyk opgetrek en my voete op ’n rots gestel; Hy het my gange vasgemaak.

4

En Hy het ’n 6nuwe lied in my 7mond gegee, ’n lofsang tot eer van onse God. Baie sal dit sien en vrees en op die HERE vertrou.

5

Welgeluksalig is die man wat 8sy vertroue in die HERE stel en hom nie wend tot hoogmoediges en 9leuendienaars nie.

6

Groot dinge het U gedoen, HERE my God — u wonders en 10gedagtes vir ons; 11niemand kan met U vergelyk word nie. Wil ek dit verkondig en uitspreek, dan is dit 12te veel om te vertel.

7

a13U het geen 14behae in slagoffer of spysoffer nie; 15ore het U vir my gegrawe; brandoffer en sondoffer het U nie geëis nie.

8

Toe het ek gesê: Kyk, ek 16kom; in die 17boekrol is dit my voorgeskrywe.

9

Ek het lus, o my God, om u 18welbehae te doen, en bu wet is 19binne-in my ingewande.

10

Ek 20het ’n blye boodskap van 21geregtigheid in die cgroot 22vergadering verkondig; kyk, my lippe bedwing ek nie. HERE, U weet dit.

11

U geregtigheid bedek ek nie binne-in my hart nie; van u trou en u heil spreek ek; u goedertierenheid en u trou verberg ek nie vir die groot vergadering nie.

12

U, o HERE, sal u barmhartighede van my nie terughou nie; laat u goedertierenheid en u trou my altyddeur behoed.

13

Want 23onheile sonder getal het my omring; my 24ongeregtighede het my ingehaal, 25en ek kan nie sien nie; hulle is meer as die hare van my hoof, en my hart het my 26verlaat.

14

27Laat dit U behaag, HERE, om my te red; HERE, maak tog gou om my te help!

15

dLaat hulle wat my 28lewe soek, om dit weg te ruk, tesame beskaamd staan en rooi van skaamte word; laat hulle wat behae het in my 29onheil, agteruitwyk en in die skande kom.

16

Laat hulle wat vir my sê: 30Ha, ha! 31vanweë hul beskaming 32verskrik wees!

17

Laat almal wat U soek, in U vrolik en bly wees; laat die liefhebbers van u heil altyddeur sê: 33Groot is die HERE!

18

Al is ek ellendig en behoeftig — die Here 34dink aan my; U is my hulp en my redder; my God, 35vertoef tog nie!

1 Sien Ps. 4:1 se kanttekening.
2 Hebr. verwagtende verwag.

3 Of: die oor tot my geneig; soos in Ps. 17:6.

4 Hebr. kuil of put van geruis, waar die waters, terwyl dit steeds opwel en opborrel, bruis en ’n groot gedruis maak. Hy wil sê dat sy gevare so groot en baie was, dat daar menslik gesproke geen uitkoms was nie.

5 Hebr. uit slyk van modder. Vgl. Ps. 69:3. Jer. 38:6, 10. Net so ook Job 30:19 se kanttekening.

6 Sien Ps. 33:3 se kanttekening.

7 Dit is, Hy het as ’t ware self vir my ’n nuwe lied geleer, en my daartoe aangedryf deur sy Gees. Vgl. Ex. 4:15 en Deut. 18:18 se kanttekeninge. Net so ook Ps. 51:17.

8 Dit is, so dat hy slegs op die HERE vertrou.

9 Of: die wat tot leuen afwyk. Dit is, valse, afgodiese, ydele, bedrieglike hulp, troos en toeverlaat.

10 Verstaan gedagtes van vrede, soos in Jer. 29:11. Dit is, u raad om aan ons goed te doen het U deur baie wonderlike weldade geopenbaar.

11 Anders: ’n mens kan dit nie in orde voor U verhaal nie.

12 Hebr. sterker, naamlik in getal; so ook in vers 13.

a Hebr. 10:5. 13 Dit is die woorde van die Here Christus, waarop Dawid deur die profetiese gees dui, as die Een wat tot sy Vader spreek. Sien Hebr. 10:5-7.

14 Naamlik, op so ’n manier dat sulke offers aan u geregtigheid sou voldoen en U met die sondige mens sou versoen, want dit was onmoontlik, Hebr. 10:4.

15 Anders: U het vir My die ore deurboor. Dit is, My tot u diens verplig, om die middelaarsamp op My te neem en u volk van sondes te verlos. Waartoe U vir My ’n liggaam berei het, om dit vir die volk se sondes op te offer (soos die apostel dit verklaar met die woorde van die Griekse vertaling, Hebr. 10:5, 10 en die kanttekeninge). Die manier van spreek is geneem uit die gebruik van die Jode, waarvolgens met slawe, in ooreenstemming met God se wet, gehandel is. Sien Ex. 21:6. Deut. 15:17.

16 Of: het gekom. Met hierdie en die volgende woorde verklaar die Here Christus sy gewillige gehoorsaamheid om die middelaarsamp, deur sy Vader aan Hom opgelê, aan te neem en uit te voer. Sien Hebr. 10:10.

17 Hebr. in die boekrol is oor My geskrywe. Sien oor die woord boekrol Esra 6:2 en Jer. 36:2 se kanttekeninge, en verstaan hierdeur die boeke van Moses, waarin verskeie heerlike profesieë van Christus gevind word, waarvan die eerste gegee is in die paradys, Gén. 3:15, en vervolgens aan die aartsvaders, en verder was die sakramente en al die offers voorbeelde van Christus. Sien Luk. 24:27. Hebr. 8:5, 6; 9:8, 9; 10:1, ens.

b Ps. 37:31. Jes. 51:7. 18 Dit is, dit wat vir U welbehaaglik is. Sien Ps. 143:10. Spr. 10:32 se kanttekening.

19 Dit is, Ek betrag dit in my hart, en is geheel en al vuriglik geneë om dit te volbring. Vgl. vers 11. Ps. 37:31.

c Ps. 35:18; 111:1. 20 Of: evangeliseer, het geëvangeliseer, en so hierna.

21 Sien Rom. 3:21, 22.

22 Vgl. Ps. 22:23 se kanttekening.

23 Dit is, swarighede, ellendes; so ook in vers 15.

24 Indien ’n mens dit van die sondes verstaan, spreek Dawid dit van homself, en nie van die Here Christus nie, wat die onbevlekte Lam van God en sonder sonde was; hoewel Hy andersins as Borg vir ons sondes wou betaal, 2 Kor. 5:21, en die straf daarvan wou dra, Jes. 53:5, 6, 8, 10, 11; soos ’n mens die woord ongeregtighede hier ook kan verstaan as strawwe van ongeregtighede. Sien Ps. 31:11 se kanttekening. So is die voorgaande woord onheile ook verstaan as die onheile wat die straf meebring, dit is, lyding, ellende, ens.

25 Anders: en ek kan hulle nie oorsien of tel nie, naamlik vanweë die menigte.

26 Vgl. Ps. 38:11.

27 Vgl. die verse wat volg met Psalm 70.
d Ps. 35:4, 26; 70:3; 71:13. 28 Sien 2 Sam. 4:8 se kanttekening.

29 Soos in vers 13.

30 Soos in Ps. 35:21, 25.

31 Of: tot loon van hul beskaming, dit is, die beskaamdheid wat hulle my wil aandoen. Anders: ter wille van beskaamdheid. Anders: ten einde dat hulle beskaamd word. Sien oor die Hebreeuse woord wat hier met vanweë vertaal is, Ps. 19:12 se kanttekening.

32 Of: verwoes, verbyster.

33 Soos in Ps. 35:27.
34 Naamlik om my op die regte tyd te help. Sien Gén. 8:1 se kanttekening.

35 Hebr. moenie agter wees nie.

Welgeluksalig is hy wat op die HERE vertrou.

1

VIR die 1musiekleier. ’n Psalm van Dawid.

1 Sien Ps. 4:1 se kanttekening.
2

Ek het die HERE 2lank verwag, en Hy het 3Hom na my toe neergebuig en my hulpgeroep gehoor;

2 Hebr. verwagtende verwag.

3 Of: die oor tot my geneig; soos in Ps. 17:6.

3

en Hy het my uit die 4kuil van vernietiging, uit die 5modderige slyk opgetrek en my voete op ’n rots gestel; Hy het my gange vasgemaak.

4 Hebr. kuil of put van geruis, waar die waters, terwyl dit steeds opwel en opborrel, bruis en ’n groot gedruis maak. Hy wil sê dat sy gevare so groot en baie was, dat daar menslik gesproke geen uitkoms was nie.

5 Hebr. uit slyk van modder. Vgl. Ps. 69:3. Jer. 38:6, 10. Net so ook Job 30:19 se kanttekening.

4

En Hy het ’n 6nuwe lied in my 7mond gegee, ’n lofsang tot eer van onse God. Baie sal dit sien en vrees en op die HERE vertrou.

6 Sien Ps. 33:3 se kanttekening.

7 Dit is, Hy het as ’t ware self vir my ’n nuwe lied geleer, en my daartoe aangedryf deur sy Gees. Vgl. Ex. 4:15 en Deut. 18:18 se kanttekeninge. Net so ook Ps. 51:17.

5

Welgeluksalig is die man wat 8sy vertroue in die HERE stel en hom nie wend tot hoogmoediges en 9leuendienaars nie.

8 Dit is, so dat hy slegs op die HERE vertrou.

9 Of: die wat tot leuen afwyk. Dit is, valse, afgodiese, ydele, bedrieglike hulp, troos en toeverlaat.

6

Groot dinge het U gedoen, HERE my God — u wonders en 10gedagtes vir ons; 11niemand kan met U vergelyk word nie. Wil ek dit verkondig en uitspreek, dan is dit 12te veel om te vertel.

10 Verstaan gedagtes van vrede, soos in Jer. 29:11. Dit is, u raad om aan ons goed te doen het U deur baie wonderlike weldade geopenbaar.

11 Anders: ’n mens kan dit nie in orde voor U verhaal nie.

12 Hebr. sterker, naamlik in getal; so ook in vers 13.

7

a13U het geen 14behae in slagoffer of spysoffer nie; 15ore het U vir my gegrawe; brandoffer en sondoffer het U nie geëis nie.

a Hebr. 10:5. 13 Dit is die woorde van die Here Christus, waarop Dawid deur die profetiese gees dui, as die Een wat tot sy Vader spreek. Sien Hebr. 10:5-7.

14 Naamlik, op so ’n manier dat sulke offers aan u geregtigheid sou voldoen en U met die sondige mens sou versoen, want dit was onmoontlik, Hebr. 10:4.

15 Anders: U het vir My die ore deurboor. Dit is, My tot u diens verplig, om die middelaarsamp op My te neem en u volk van sondes te verlos. Waartoe U vir My ’n liggaam berei het, om dit vir die volk se sondes op te offer (soos die apostel dit verklaar met die woorde van die Griekse vertaling, Hebr. 10:5, 10 en die kanttekeninge). Die manier van spreek is geneem uit die gebruik van die Jode, waarvolgens met slawe, in ooreenstemming met God se wet, gehandel is. Sien Ex. 21:6. Deut. 15:17.

8

Toe het ek gesê: Kyk, ek 16kom; in die 17boekrol is dit my voorgeskrywe.

16 Of: het gekom. Met hierdie en die volgende woorde verklaar die Here Christus sy gewillige gehoorsaamheid om die middelaarsamp, deur sy Vader aan Hom opgelê, aan te neem en uit te voer. Sien Hebr. 10:10.

17 Hebr. in die boekrol is oor My geskrywe. Sien oor die woord boekrol Esra 6:2 en Jer. 36:2 se kanttekeninge, en verstaan hierdeur die boeke van Moses, waarin verskeie heerlike profesieë van Christus gevind word, waarvan die eerste gegee is in die paradys, Gén. 3:15, en vervolgens aan die aartsvaders, en verder was die sakramente en al die offers voorbeelde van Christus. Sien Luk. 24:27. Hebr. 8:5, 6; 9:8, 9; 10:1, ens.

9

Ek het lus, o my God, om u 18welbehae te doen, en bu wet is 19binne-in my ingewande.

b Ps. 37:31. Jes. 51:7. 18 Dit is, dit wat vir U welbehaaglik is. Sien Ps. 143:10. Spr. 10:32 se kanttekening.

19 Dit is, Ek betrag dit in my hart, en is geheel en al vuriglik geneë om dit te volbring. Vgl. vers 11. Ps. 37:31.

10

Ek 20het ’n blye boodskap van 21geregtigheid in die cgroot 22vergadering verkondig; kyk, my lippe bedwing ek nie. HERE, U weet dit.

c Ps. 35:18; 111:1. 20 Of: evangeliseer, het geëvangeliseer, en so hierna.

21 Sien Rom. 3:21, 22.

22 Vgl. Ps. 22:23 se kanttekening.

11

U geregtigheid bedek ek nie binne-in my hart nie; van u trou en u heil spreek ek; u goedertierenheid en u trou verberg ek nie vir die groot vergadering nie.

12

U, o HERE, sal u barmhartighede van my nie terughou nie; laat u goedertierenheid en u trou my altyddeur behoed.

13

Want 23onheile sonder getal het my omring; my 24ongeregtighede het my ingehaal, 25en ek kan nie sien nie; hulle is meer as die hare van my hoof, en my hart het my 26verlaat.

23 Dit is, swarighede, ellendes; so ook in vers 15.

24 Indien ’n mens dit van die sondes verstaan, spreek Dawid dit van homself, en nie van die Here Christus nie, wat die onbevlekte Lam van God en sonder sonde was; hoewel Hy andersins as Borg vir ons sondes wou betaal, 2 Kor. 5:21, en die straf daarvan wou dra, Jes. 53:5, 6, 8, 10, 11; soos ’n mens die woord ongeregtighede hier ook kan verstaan as strawwe van ongeregtighede. Sien Ps. 31:11 se kanttekening. So is die voorgaande woord onheile ook verstaan as die onheile wat die straf meebring, dit is, lyding, ellende, ens.

25 Anders: en ek kan hulle nie oorsien of tel nie, naamlik vanweë die menigte.

26 Vgl. Ps. 38:11.

14

27Laat dit U behaag, HERE, om my te red; HERE, maak tog gou om my te help!

27 Vgl. die verse wat volg met Psalm 70.
15

dLaat hulle wat my 28lewe soek, om dit weg te ruk, tesame beskaamd staan en rooi van skaamte word; laat hulle wat behae het in my 29onheil, agteruitwyk en in die skande kom.

d Ps. 35:4, 26; 70:3; 71:13. 28 Sien 2 Sam. 4:8 se kanttekening.

29 Soos in vers 13.

16

Laat hulle wat vir my sê: 30Ha, ha! 31vanweë hul beskaming 32verskrik wees!

30 Soos in Ps. 35:21, 25.

31 Of: tot loon van hul beskaming, dit is, die beskaamdheid wat hulle my wil aandoen. Anders: ter wille van beskaamdheid. Anders: ten einde dat hulle beskaamd word. Sien oor die Hebreeuse woord wat hier met vanweë vertaal is, Ps. 19:12 se kanttekening.

32 Of: verwoes, verbyster.

17

Laat almal wat U soek, in U vrolik en bly wees; laat die liefhebbers van u heil altyddeur sê: 33Groot is die HERE!

33 Soos in Ps. 35:27.
18

Al is ek ellendig en behoeftig — die Here 34dink aan my; U is my hulp en my redder; my God, 35vertoef tog nie!

34 Naamlik om my op die regte tyd te help. Sien Gén. 8:1 se kanttekening.

35 Hebr. moenie agter wees nie.